Вячаслаў вылавіў рыбіну вагой 12 кілаграмаў на Вілейскім вадасховішчы.
Драпежніца клюнула ў мінулую суботу ўвечары, калі Вячаслаў разам са сваім бацькам Міхаілам рыбачылі на глыбіні каля пяці метраў, пішуць «Навіны Вілейкі».
— Стаяла яна недзе за метр-паўтара ад дна. Бацька і ўзяў яе ў падсак, у лодку зацягнуў. Праз тыдзень, 20-га, у яго юбілей — 70 гадоў, вось і падарунак, — падзяліўся Вячаслаў.
У якасці прынады мужчына выкарыстаў «мыш» — паверхневую штучную прынаду, якая імітуе плывучага грызуна.
Вага злоўленага шчупака склала 12 кілаграмаў, што лічыцца рэдкай удачай.
Праўда, не ўсе падзялілі радасць удачлівага рыбака. У тэматычных суполках нечакана разгарэлася дыскусія: частка каментатараў палічыла, што такую ўзроставую драпежніцу варта было адпусціць назад у ваду.
«Ёй больш за 30 гадоў. Няўжо нельга злавіць пяць штук па два кілаграмы, калі вам так патрэбныя катлеты?» — абурыўся адзін з удзельнікаў абмеркавання.
Іншыя ўсталі на абарону аўтара фота, запярэчыўшы, што рыба — аднаўляльны рэсурс, а спінінгісты, у адрозненне ад браканьераў, заўсёды даюць здабычы сумленны шанец на барацьбу.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка10
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары