Эканоміка88

Беларусы летась атрымалі з-за мяжы больш за мільярд даляраў. Гэта рэкорд

Паводле звестак Нацыянальнага банка, у 2025 годзе рэзідэнты Беларусі атрымалі з-за мяжы 1,052 мільярда даляраў у выглядзе працоўных даходаў і асабістых пераводаў. Гэта найвышэйшы паказчык за ўсю гісторыю краіны, піша Thinktanks.pro.

Здымак ілюстрацыйны. Фота: magnific.com

Эканамісткі Алена Маслянкова і Крысціна Маціеўская ў артыкуле для часопіса «Банковский вестник» прааналізавалі дынаміку гэтых паступленняў за сучасны перыяд. Яны адзначылі ўстойлівы доўгатэрміновы рост аб'ёмаў грошай, якія беларусы атрымліваюць з-за мяжы, пачынаючы з 2008 года.

За 2005—2025 гады паступленні ад аплаты працы з-за мяжы павялічыліся ў 11,8 раза. Асабліва прыкметны рост адбыўся ў 2020—2025 гадах: за гэты час аб'ём павялічыўся з 311 мільёнаў да 1,052 мільярда долараў. Прырост за гэтыя пяць гадоў у абсалютным выражэнні аказаўся большым, чым сумарнае павелічэнне за папярэднія 15 гадоў.

Даследчыцы лічаць, што такая дынаміка ўскосна сведчыць пра ўзмацненне працоўнай міграцыі і рост значэння замежных грашовых паступленняў для беларускай эканомікі.

Доля чыстых працоўных даходаў, атрыманых з-за мяжы, у адносінах да ВУП вырасла з 0,3% у 2005 годзе да 1,12% у 2025-м. Такім чынам, гэтыя даходы ўжо дасягнулі аб'ёму, які можна колькасна ўлічваць пры ацэнцы макраэканамічных працэсаў у сектары хатніх гаспадарак.

Адначасова раслі і працоўныя даходы, якія замежныя работнікі выводзілі з Беларусі, аднак іх аб'ём заставаўся значна меншым за паступленні ў краіну. Сальда чыстай аплаты працы павялічылася з 89 мільёнаў даляраў у 2005 годзе да 805 мільёнаў даляраў у 2025-м.

За апошнія два дзесяцігоддзі змянілася і структура грашовых патокаў. Да 2015 года асноўную частку складалі асабістыя трансферты — у тым ліку пераводы людзей, якія доўгатэрмінова працавалі за мяжой, і нерэзідэнтаў. З 2016 года асноўным відам паступленняў стала чыстая аплата працы сезонных і часовых работнікаў — рэзідэнтаў Беларусі.

Пры гэтым аб'ём грошай, якія беларусы адпраўляюць з краіны за мяжу, павялічваецца значна павольней. Іх доля ў агульным аб'ёме атрыманых сродкаў скарацілася прыкладна з 30—35% у сярэдзіне 2000‑х гадоў да 15—20% у 2020-я.

Аўтары даследавання адзначаюць, што змены ў структуры асабістых пераводаў ускосна могуць сведчыць пра рост кароткатэрміновай працоўнай міграцыі і павелічэнне долі беларусаў, якія афіцыйна працаўладкоўваюцца за мяжой.

Каментары8

  • К
    24.09.2026
    В тех странах , где красным ногой под дупу дали сто лет назад, гастарбайтерами по миру не шляются . Там конюх до власти не доберётся , на обосраных коровах пиар не делают .
  • А как иначе?
    24.09.2026
    Согласно официальным данным, озвученным госчиновниками, за пределами Беларуси живут 2,5 - 3 млн беларусов !
    Это и объясняет новые рекорды.
  • Питон
    24.09.2026
    а какова структура этих переводов об этом умолчали конечно.. не удивлюсь что основная масса это напечатанная набибуллиной бумага, да по непонятно какому курсу пересчитанная в доллары.. дурят голову населению

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць