Экс-паўабаронца «Мінска» Захар Драчоў будзе гуляць у стамбульскім «Бешыкташы», паведаміў «Беларускі футбол».
«Усё выдатна. Добра сустрэлі, — расказаў Захар пра ўражанні ад «Бешыкташа». — Адчуваецца, што там вялікая футбольная атмасфера, шмат фанатаў. Ну а больш сказаць не магу, бо я прабыў там нядоўга і адразу паляцеў у Мінск. Але ў мяне станоўчыя эмоцыі ад таго, што ў маёй кар’еры будзе новая глава. Буду старацца».
У гэтым сезоне паўабаронца паспеў правесці дзевяць матчаў у вышэйшай лізе чэмпіянату Беларусі, згуляўшы 232 хвіліны і не адзначыўшыся выніковымі дзеяннямі. Яшчэ пяць сустрэч Захар Драчоў правёў за «Мінск-2», забіўшы адзін мяч.
11 жніўня «Мінск» з ім развітаўся. У чэрвені Захар таемна ездзіў на прагляд у «Бешыкташ», не папярэдзіўшы кіраўніцтва беларускага клуба.
У гісторыя футбольных чэмпіянатаў Турцыі, чэмпіянат выйгравалі толькі шэсць клубаў. Па адным разе — «Бурсаспор» і «Істанбул Башахшэкір». «Трабзонспор» — шэсць разоў.
А вось клубы «вялікай тройкі» — стамбульскія «Галатасарай» (26 разоў), «Фенербахчэ» (19) і «Бешыкташ» (16) — увесь астатні час.
«Бешыкташ» апошні раз чэмпіёнства браў у 2021 годзе. У сёлетнім сезоне клуб ідзе трэцім.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ1
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары