Грамадства22

Пасля сустрэчы з Ціханоўскай прэм'ер Славеніі згадаў Беларусь з трыбуны Генасамблеі ААН

Прэм'ер-міністр Славеніі Янэз Янша падчас выступу на Генеральнай асамблеі ААН заявіў пра неабходнасць вызвалення ўсіх беларускіх палітвязняў і падтрымаў дэмакратычныя перамены ў Беларусі.

Прэм'ер-міністр Славеніі Янэз Янша. Фота: UN Photo

Прэм'ер-міністр Славеніі Янэз Янша выступіў 24 верасня ў Нью-Ёрку на агульных дэбатах 81‑й сесіі Генеральнай асамблеі ААН, якая сёлета праходзіць пад дэвізам «Аднаўленне даверу, кіраванне трансфармацыяй: Арганізацыя Аб'яднаных Нацый, якая працуе на карысць усіх».

Адной з галоўных тэм выступу прэм'ер-міністра Славеніі сталі падвойныя стандарты ў рэакцыі міжнароднай супольнасці на крызісы і парушэнні правоў чалавека ў розных краінах. Янша заявіў, што прынцыпы, на якіх заснаваная ААН, губляюць сэнс, калі прымяняюцца выбарачна.

У гэтым кантэксце ён асобна загаварыў пра Беларусь.

«Гэтыя прынцыпы павінны таксама кіраваць нашым падыходам да Беларусі. Мы асуджаем сістэмныя рэпрэсіі з боку ўладаў, адвольныя затрыманні і пераслед палітычных апанентаў, праваабаронцаў і незалежных галасоў.

Усе палітычныя зняволеныя павінны быць неадкладна і безумоўна вызваленыя, а вінаватыя ў парушэннях правоў чалавека — прыцягнутыя да адказнасці. Мы павінны пра гэта гаварыць», — заявіў Янша.

Ён дадаў, што Славенія падтрымлівае беларускі народ і мірныя дэмакратычныя перамены, заснаваныя на свабодных і справядлівых выбарах, вяршэнстве права і павазе да правоў чалавека.

«Беларусь належыць да свабоднай і дэмакратычнай Еўропы», — сказаў славенскі прэм'ер.

Нагадаем, што напярэдадні на палях Генасамблеі Янэз Янша сустрэўся са Святланай Ціханоўскай. Бакі абмеркавалі сітуацыю з бяспекай у Беларусі і рэгіёне, залежнасць рэжыму Лукашэнкі ад Расіі і мілітарызацыю Беларусі.

Асобнай тэмай стала вызваленне палітвязняў і дапамога ім. Гаворка ішла таксама пра беларускую дыяспару, незалежныя медыя і рэпрэсаваных, магчымасць стварэння ў славенскім парламенце групы сяброў дэмакратычнай Беларусі і прызначэння спецыяльнага прадстаўніка па сувязях з беларускімі дэмакратычнымі сіламі.

Дзяніс Кучынскі, Франак Вячорка і Святлана Ціханоўская падчас сустрэчы ў Нью-Ёрку з прэм'ер-міністрам Славеніі Янэзам Яншам. Фота: tsikhanouskaya.org

Янша вярнуўся на пасаду кіраўніка ўрада ў чэрвені 2026 года. Гэта яго чацвёрты тэрмін на пасадзе прэм'ера.

Як піша сайт Офіса, Ціханоўская і Янша ўжо сустракаліся ў 2021 годзе, калі ён таксама ўзначальваў урад Славеніі.

Падчас цяперашняй сустрэчы Ціханоўская падзякавала Яншу за падтрымку беларусаў у 2021 годзе, а Славеніі — за дапамогу беларускай грамадзянскай супольнасці, дэмакратычным сілам і незалежным медыя. Краіна працягвала публічна падтрымліваць іх і ў наступныя гады.

Каментары2

  • Пацьвярджаю!
    25.09.2026
    Нашая лідарка сапраўды творыць цуды. Пасля нядаўняга чытання яе калонкі мне паднялі заробак на працы! Трэба больш прысутнасці Прэзідэнткі Беларусі паўсюль, каб жыццё наладжвалася.
  • Словения — это не Словакия
    26.09.2026
    Это другая страна

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць