БелАЗ выпрабоўвае самазвал з аўтаномным кіраваннем. Сам ён пад Лунінцам, а кіруюць ім з Мінска
Працу машыны 1 кастрычніка паказалі на палігоне «Сітніцкае» ў Лунінецкім раёне.
На Брэстчыне выпрабоўваюць аўтаномны самаскід БелАЗ-7558R, якім можна кіраваць дыстанцыйна з Мінска. На прамысловай выставе «Іннапрам. Беларусь» у Мінску паказалі працоўнае месца аператара для дыстанцыйнага кіравання кар'ернай тэхнікай. Спецыяліст непасрэдна са стэнда мог кіраваць 90‑тонным рабатызаваным самаскідам, які знаходзіўся за сотні кіламетраў на выпрабавальным палігоне.
Па словах намесніка генеральнага канструктара лічбавізацыі кар'ернай тэхнікі Дзмітрыя Елісеева, заказчыкі актыўна цікавяцца машынамі, здольнымі працаваць аўтаномна. БелАЗ вядзе перамовы з некалькімі буйнымі заказчыкамі, якім плануецца пастаўляць самазвалы з аўтаномным кіраваннем. Паглядзець на тэхніку ў Лунінецкі раён прыехалі каля 50 прадстаўнікоў патэнцыйных кліентаў.
Генеральны дырэктар БелАЗа Сяргей Лесін адзначыў, што цяпер галоўная задача — выпрабаваць новую тэхналогію ва ўмовах рэальнай працы, піша БелТА.
Аўтаномны самаскід выкарыстоўвае камп'ютарны зрок і нейрасеткавыя алгарытмы. Яны дазваляюць машыне распазнаваць перашкоды, прагназаваць рух і самастойна прымаць рашэнні. Сістэма дыспетчарызацыі дазваляе аднаму аператару адначасова кантраляваць працу пяці такіх машын.
Мяркуецца, што тэхналогія дапаможа вырашаць праблему нястачы кіроўцаў, больш эфектыўна выкарыстоўваць кар'ерную тэхніку і забяспечваць рытмічнасць яе працы.
У аўтаномным рэжыме самазвал самастойна выконвае ўвесь працоўны цыкл — ад загрузкі да разгрузкі і вяртання да месца загрузкі. Машына будуе і карэктуе маршруты, кантралюе сляпыя зоны і зоны бяспекі, а таксама адсочвае прысутнасць людзей побач з тэхнікай.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары