Рудкоўскі Пётра. Паўстаньне Беларусі. Вільня: Інстытут беларусістыкі, 2007. — 252 с. (Кнігарня «Наша Ніва»).
Выйшла другая ў сэрыі кніг, прымеркаванай да 100-годзьдзя "Нашай Нівы". Першай была паэзія Андрэя Хадановіча. Другую склала эсэістыка Пётры Рудкоўскага.
У прадмове да кнігі галоўны рэдактар часопісу «Arche» Валер Булгакаў параўнаў Пётру Рудкоўскага з Максімам Багдановічам: «і першы, і другі адразу па прыходзе ў беларускае пісьменства (першы [Багдановіч] – у прыгожае, а другі — ужо ў інтэлектуальнае) радыкальна зьмянілі яго стыль і занялі ў ім вядучыя пазыцыі».
Сам аўтар зазначае, што кніга адрасаваная тым, «хто верыць у будучыню Беларусі. Сярод тых, хто верыць у Беларусь, можам знайсьці правых і левых, лібэралаў і кансэрватараў, беларускамоўных і расейскамоўных і расейскамоўных, апазыцыянэраў і, магчыма, прыхільнікаў афіцыйнага курсу». «Мы па-рознаму верым у Беларусь, і ў гэтай рознасьці няма нічога дрэннага».
Кніга складаецца з дзьвюх частак.
Першая — «Сінявокая Беларусь з чырвона-зялёным тварам» — складаецца з разьдзелаў «База і надбудова беларускага аўтарытарызму» і «Ці магчымы дыялёг паміж уладай і дэмакратычнай апазыцыяй».
У другую частку — «Відарысы новай Беларусі» — увайшлі разьдзелы: «Парадоксы Зянона, або як Пазьняк стаў закладнікам гісторыі», «Непазьнякоўскія грамадзкія праекты», «Рэлігійная сытуацыя ў Беларусі — стан, тэндэнцыі і пэрспэктывы», «Панская Польшча і бяспанская Беларусь» ды інш.
Трэці разьдзел — «Паўстаньне на Кастрычніцкай плошчы», а замест заканчэньня друкуецца пропаведзь «Таямніца беларускага адраджэньня», сказаная ў Кракаве 28 сакавіка 2006 г. падчас імшы за беларускі народ.
Шукайце ў незалежных распаўсюднікаў.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх5
Каментары