Дасьціпны шэдэўр Вудзі Алэна на беларускім тэлеэкране.
Кулі над Брадвэем (Bullets Over Broadway)
ЗША, 1994, каляровы, 98 хв.
Рэжысэр: Вудзі Алэн
Ролі выконваюць: Джон К’юсак, Даян Ўіст, Джэніфэр Цілі, Чэзэ Палмінтэры, Трэйсі Ўлмэн, Роб Райнэр, Джо Вітэрэлі
Жанр: Іранічная камэдыя
Адзнака: 7,5 (з 10)
Малады драматург напісаў п’есу. Але грошай на пастаноўку няма. Іх дае Н’ю-Ёрскі гангстэр, які патрабуе ўзяць на галоўную ролю сваю бяздарную палюбоўніцу. А тут шчэ ахоўнік палюбоўніцы (Чэзэ Палмінтэры) пачынае даваць драматургу парады… і перапісвае п’есу.
Карціна насычаная дасьціпнымі цытатамі. Так імя бандыта – містэр Валенці (зьдзек з галівудзкага кінапракатчыка 40-ых), касьцюмы й атмасфэра гангстэрскага кіно пазьмяшаныя з тэатральнай бутафорыяй, а alter ego Вудзі Алэна (актор Джон К'юсак) - інкарнацыя недарэкаў, сыграных рэжысэрам.
Бяздарная актрыса ў фільме - гратэскная, целаахоўнік-гангстэр – натхнёны, тэатральная зорка - шаржавана-ўзьнёслая, а сцэнічны палюбоўнік - пражэрлівы.
Бліскучы сюжэт, выбітны акторскі склад, тоеснасьць рэжысуры й гангстэрызму. П’еса, выпраўленая бандытам карысталася шалёным посьпехам. Тое ж тычыцца й стужкі Алэна.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!1
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары