На перадвелікоднай імшы прэзідэнт Венесуэлы ледзь не расплакаўся.
«Аддай мне сваю карону, Ісусе. Аддай мне свой крыж, свой цярновы вянец, каб з мяне лілася кроў. Але дай мне яшчэ пажыць, бо мне трэба яшчэ шмат чаго для гэтай краіны і гэтага народа зрабіць. Не забірай мяне цяпер», — прасіў Чавэс са слязамі на вачах у сваёй малітве на перадвелікоднай імшы.
Ён прасіў Бога дараваць яму яшчэ жыцця, нават калі яно будзе прасякнутае болем.
Кіраўнік Венесуэлы перыядычна лётае на Кубу для сеансаў тэрапіі. Дакладны дыягназ і стан Чавэса не абвяшчаюцца. Аднак дактары, знаёмыя з медыкамі з кубінскага анкалагічнага цэнтра, сцвярджаюць, што хвароба прагрэсуе і Чавэсу засталося жыць ад сямі месяцаў да некалькіх гадоў.
Тым не менш, Уга Чавэс заявіў пра свой намер удзельнічаць у прэзідэнцкіх выбарах, запланаваных на кастрычнік гэтага года. Свайго праціўніка, кандыдата ад аб’яднанай апазіцыі Капрылеса, Чавэс паспеў назваць «подлай свіннёй». А падкантрольныя яму СМІ разгарнулі антысеміцкую кампанію: Капрылес хоць і каталік, але па кудзелі мае габрэйскую кроў.
Чавэс у сваім выступе на імшы прызнаў, што змагацца з нядужасцю, «якая для шмат каго азначае канец дарогі», цяжка, але паабяцаў выздаравець.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары