Va ŭjaŭleńni ab ideale sučasnaha mužčyny adbylisia istotnyja źmieny — miesca žančynapadobnych metraseksuałaŭ zaniali mužnyja juberseksuały. Hety termin prydumali aŭtary knihi «Budučynia mužčyny», piša «Hardyjan».
Pavodle słoŭ adnaho z aŭtaraŭ hetaj manahrafii, vice-prezydenta kampanii JWT Marjana Zalcmana, «juberseksuały ŭpeŭnienyja ŭ sabie, jany mužnyja i stylnyja, jany nastrojeny na jakaść va ŭsich sferach žyćcia».
Zhodna z knihaj, dla juberseksuałaŭ charakterny tradycyjnyja jakaści «sapraŭdnaha mužčyny» — luboŭ da dobraha vina, cyharaŭ, enerhičnaja hieteraseksualnaść.
U adroźnieńnie ad metraseksuałaŭ, zachoplenych ułasnym imidžam, juberseksuały nadajuć šmat uvahi palitycy i navakolnamu žyćciu.
Metraseksuały ličać žančyn najlepšymi siabrami. Juberseksuały pavažajuć ci kachajuć, adnak družbu ličać za lepšaje zavodzić z pradstaŭnikami svajho połu. Na žurnalnym stoliku metraseksuała lažać časopisy «Voh» i «Kasmapoliten», a juberseksuała — «Ekonamist» i «Ńju-jorkier» (u vypadku Biełarusi, vychodzić, «Biełorusy i rynok» i «Naša Niva»).
Aŭtary knihi znajšli prykłady juberseksuałaŭ siarod znakamitaściaŭ. Heta Džordž Kłuni, Donałd Trampł, Pirs Brosnan i Bił Klintan. Samym jaskravym juberseksuałam kniha «Budučynia mužčyny» nazyvaje Bona — frontmena «Ju-Tu» i adnačasova dabračyncu. Znakamityja metraseksuały Džud Łoŭ i Devid Bekchem ciapier bolš nia modnyja.
U toj ža čas aŭtary knihi padkreślivajuć, što adradžeńnie tradycyjnych mužčynskich kaštoŭnaściaŭ nie aznačaje viartańnia da mody na «krutych pacanoŭ», što havorać matam, nie prajaŭlajuć pavahi da žančyn i saromiejucca luboj prajavy pačućciaŭ.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary