Pračytańnie tvora «Majtki» teatr «Kryły chałopa» płanavaŭ pravieści 18 śniežnia ŭ
Adnak teatrałam niečakana pastavili ŭmovu — papiarednie musić adbycca prahlad mastackaj kamisii. U jaje skład uvajšli čynoŭniki «ad kultury» i teatralnyja režysiory Bresta.
10 śniežnia paśla «acenki» pastanoŭku zabaranili dla prahladu. Siarod pryčyn siabry kamisii nazvali vialikuju kolkaść nienarmatyŭnaj leksiki, niezrazumiełaść siužetu, biednaść teatralnaj estetyki.Apošniaje vyjaviłasia ŭ adsutnaści teatralnych kaściumaŭ i scenahrafii, choć ad pačatku «Majtki» byli zajaŭlenyja jak čytka, a nie śpiektakl.
Biełaruski dramaturh i scenaryst Pavał Pražko pieršuju pjesu napisaŭ u 2004 hodzie. Z hetaha času pieravažna pracuje ŭ Rasii. Jaho pjesy pierakładzieny na polskuju, niamieckuju i finski movy. Aŭtar — udzielnik mižnarodnych teatralnych fiestyvalaŭ, čytok i konkursaŭ.
Sa słovaŭ aktora teatra Aleha Harbaciuka, ź piaci siabraŭ kamisii tolki adzin čałaviek byŭ znajomy z tvorčaściu Paŭła Pražko.Tym nie mienš kalektyŭ pasprabuje pastavić pjesy Pražko, jakija amal nie pakazvalisia na radzimie aŭtara.
«Viadoma, buduć sproby, my budziem šukać pamiaškańnie, bo ŭ nas jość svoj hladač, i prosta tak pakinuć heta my nie možam. Nielha słuchać tolki tych ludziej, jakija mała što razumiejuć u sučasnaj dramaturhii i staviacca da nas jak da amataraŭ. Dumaju, u nastupnym hodzie my ŭsio ž taki heta zrobim».
Nahadajem, što pastanoŭki teatra «Kryły chałopa» zabaraniajuć nie ŭ pieršy raz. U Kobrynie vuličny śpiektakl pa tvorach Charmsa «ZvanićLacieć» admianili litaralna za hadzinu da pačatku. Pierfomans bresckich aktoraŭ supaŭ sa śviatočnymi mierapryjemstvami da parłamienckich vybaraŭ 23 vieraśnia.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary