«Simpsany ŭ kino»
Simpsany ŭ kino (The Simpsons Movie)
ZŠA, 2007, kalarovy, 87 chv.
Režyser: Devid Siłverman
Žanr: Animacyjnaja kamedyja dla ŭsioj siamji
Adznaka: 7,5 (z 10)
Paśla taho, jak Hamer Simpsan vyklikaŭ ekalahičnuju katastrofu, a prydurkavaty prezydent (Švarcnehier) vyrašyŭ źniščyć Sprynhfiłd, šalnaja siamiejka vyratoŭvaje ŭłasny horad...
Praz 20 hadoŭ paśla televizijnaha debiutu žoŭtahałovyja Simpsany źjavilisia na kinaekranie. I ŭ adroźnieńni ad Čałaviekaŭ-pavukoŭ, transformeraŭ – i druhich malavanych pensijaneraŭ – nie padkačali.
Persanažy papularnaha multa vyklikajuć rohat da kolikaŭ, mitusiacca, spračajucca, traplajuć u samyja idyjockija sytuacyi – i radujucca žyćciu. Zachavana paciešnaja atmasfera aryhinału, haradok Sprynhfiłd, jak na dałoni, a ŭ kožnaha persanaža – karonnyja solnyja numary.
Poŭnametražnaja stužka Devida Siłvermana, niaźmiennaha “letapisca” Simpsanaŭ, budzie cikavaja j hledačam, jakija nikoli nia čuli pra virłavokuju siamiejku sympatyčnych bałbiesaŭ.
Hamer śviniačyć, synok Bart… napivajecca – i aholenym katajecca na skejcie pad tarantynaŭskija matyvy (?!), dačka Liza ramantyčna kachaje j zachaplajecca ekalohijaj, a niemaŭla Mehi, ź niaźmiennaj soskaj, u rukapašnym bai dast foru lubomu chulihanu.
Stvaralniki Simpsanaŭ vyrašyli daścipna pakpić i nad kinaklasykaj. “Achviarami” stalisia “Biełaśniežka”, “Bembi”, znakamity kadar z Merylin Manro, paŭtorany Mardž, a pra žyvych halivudzkich zorak i havaryć nie vypadaje.
Badziory Tom Chenks (ahučany Tomam Chenksam) radasna raspaviadaje pra perspektyvy jadziernaha źniščeńnia Sprynhfiłda. A voś Švarcnehiera nie ryzyknuli paprasić ahučyć siabie samoha. Heta nie pieraškodziła jahonamu animacyjnamu dvajniku zastavacca vielmi paciešnym.
Na pačatku karciny Hamer Simpsan zajaŭlaje, što nia varta jołupniam hladzieć film u kino, kali jaho možna ŭbačyć na televizii. Heta jon daremna.
Pahladzicie na ekranie na siamiejku Simpsanaŭ – i paradujciesia za svaju.
Seansy ŭ mienskich kinateatrach.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary