Tadžyk sprabavaŭ uvieźci ŭ Biełaruś sumu, u čatyry razy bolšuju za dazvolenuju
Apieratyŭnaja mytnia raspačała jašče adnu kryminalnuju spravu praź niezakonnaje pieramiaščeńnie praź miažu bujnoj sumy najaŭnych hrošaj. U minskim aeraporcie ŭ hramadzianina Tadžykistana znajšli niezadekłaravanyja bolš za 40 tysiač dalaraŭ.
Hramadzianin Tadžykistana prylacieŭ u Nacyjanalny aeraport Minsk rejsam z Taškienta. Dla prachodžańnia mytnaha kantrolu mužčyna vybraŭ zialony kalidor, pryznačany dla pasažyraŭ biez tavaraŭ, jakija padlahajuć dekłaravańniu.
Adnak padčas mytnych apieracyj supracoŭniki Minskaj rehijanalnaj mytni znajšli ŭ jaho bolš za 40 tysiač dalaraŭ ZŠA i 21 tysiaču ŭźbiekskich sumaŭ. Ahulnaja suma bolš čym u čatyry razy pieravyšała ŭstanoŭleny limit dla pieramiaščeńnia hrošaj biez mytnaha dekłaravańnia.
Kryminalnuju spravu raspačali pavodle častki 2 artykuła 228 Kryminalnaha kodeksa Biełarusi. Hetaja norma praduhledžvaje pakarańnie až da piaci hadoŭ pazbaŭleńnia voli, a taksama kanfiskacyju hrašovych srodkaŭ.
Mytnyja orhany nahadvajuć, što pry pieramiaščeńni praz mytnuju miažu sumy, jakaja pieravyšaje ekvivalent 10 tysiač dalaraŭ ZŠA, nieabchodna iści praz čyrvony kalidor i zapoŭnić pasažyrskuju mytnuju dekłaracyju. Za niezakonnaje pieramiaščeńnie hrošaj ekvivalentych sumie zvyš 30 tysiač dalaraŭ ZŠA praduhledžanaja kryminalnaja adkaznaść.
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary