10 kastryčnika a 17-j hadzinie Dziaržaŭny litaraturny muziej Janki Kupały zaprašaje na adkryćcio dakumientalna-mastackaj vystaŭki «Dušy majoj tvareńni…», stvoranaj da 85-hodździa z dnia naradžeńnia Janki Ramanoŭskaha.
Janka Ramanoŭski adyhraŭ značnuju rolu ŭ stanaŭleńni biełaruskaj hrafičnaj škoły. Mastak byŭ adnym ź pieršych, chto pačaŭ pracavać u technicy aforta. Litahrafii Ramanoŭskaha «A chto tam idzie?», «Janka Kupała ŭ Pieciarburhu», «Duma ab radzimie» siońnia pradstaŭleny ŭ asnoŭnaj ekspazicyi Dziaržaŭnaha litaraturnaha muzieja Janki Kupały.
Syn małodšaj siastry Janki Kupały Leakadzii Daminikaŭny Ramanoŭskaj mastak Janka Ramanoŭski nievypadkova źviartajecca ŭ svajoj tvorčaści da kupałaŭskaj tematyki. Pa słovach mastaka, Janka Kupała byŭ dla jaho pieršym krytykam dy daradčykam, i tak da apošniaha raźvitańnia ŭ 1941 hodzie.
Mastackaja častka vystaŭki «Dušy majoj tvareńni…» pradstaŭlaje hrafičnyja i žyvapisnyja tvory mastaka z fondaŭ Dziaržaŭnaha litaraturnaha muzieja Janki Kupały, siarod jakich partrety Janki Kupały i svajakoŭ tvorcy, dziejačaŭ kultury Biełarusi, ilustracyi da tvoraŭ Pieśniara. Dakumientalnaja častka ekspazicyi praz fotazdymki i asabistyja rečy mastaka paznajomić naviedvalnikaŭ z asiarodździem Janki Ramanoŭskaha.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary