Usiu ŭładu trymaje daniecki kłan
Ciapier vychadcy z Daniecka zajmajuć usie najvyšejšyja pasady va Ukrainie: prezidenta (Janukovič), premjeram byŭ daniecki Azaraŭ, a ciapier jaho abaviazki vykonvaje daniecki Arbuzaŭ, śpikiera Viarchoŭnaj Rady (Rybak), kiraŭnika Administracyi prezidenta (Klujeŭ), hienprakurora (Pšonka), kiraŭnika SBU (Jakimienka) i ministra ŭnutranych spraŭ (Zacharčanka).
Karupcyja pranizała dziaržavu
«Heta bandycki režym, jaki raskraŭ u krainie ŭsio, što možna raskraści. Hałasy kuplali, sudździaŭ kuplali! A chto nie pradavaŭsia, tych źniščali, — uschvalavana kazaŭ na Majdanie karespandentu «Našaj Nivy» Juryj, student kijeŭskaha Univiersiteta teatra, kino i telebačańnia imia Karpienki-Karaha. — Nam zaraz niama darohi nazad. Abo jany, abo my. Jany ŭsich nas źniščać, kali pieramohuć», — miarkuje jon.
«Heta nie prezident, jaki nakraŭ stolki, što zbudavaŭ sabie pałac i zrabiŭ synoŭ miljarderami!» — kaža jon. I «Bierkut» dla Juryja — nijakaja nie milicyja, a «płatnyja najomniki zažratych aliharchaŭ», što vyssali z najbahaciejšaj krainy apošnija soki.
Asablivaje abureńnie ŭkraincaŭ vyklikała pabudova Janukovičam pryvatnaj rezidencyi Mižhorje na 140 hiektaraŭ. Tolki budmateryjały dla jaje kaštavali 9,5 miljona dalaraŭ. Francuzskija žurnalisty raskapali, što tolki adzin z sanvuzłoŭ jaje, upryhožany kaštoŭnymi kamianiami, kaštavaŭ 350 tysiač jeŭra.
Pry hetym Ukraina zastajecca na druhim miescy z kanca ŭ Jeŭropy pa pamiery siaredniaha zarobku.
Apazicyja pradrakała Janukoviču, jaki ŭ maładości siadzieŭ za drobnyja kradziažy, los rumynskaha dyktatara Nikałaje Čaŭšesku.
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Ciapier čytajuć
Pačobut parazvažaŭ, ad čaho zaležyć budučynia Biełarusi8
Kamientary