Vyzvalili ŭkrainku Irynu Doŭhań, jakuju bajeviki DNR u Daniecku pryviazali da słupa
Hramadzianka Ukrainy Iryna Doŭhań, jakuju bajeviki DNR niekalki dzion tamu pryviazali da słupa, a paźniej zatrymali, abvinavaciŭšy, što jana sadziejničała navodčykam artyleryi, adpuščanaja na svabodu i chutka uźjadnajecca sa svajoj dačkoj.
Pra heta raspavioŭ fotažurnalist Dźmitryj Bielakoŭ, jaki spryjaŭ vyzvaleńniu Doŭhań.
Pa słovach Bielakova, kamandzir bataljona «Uschod» Alaksandr Chadakoŭski nie viedaŭ, što Doŭhań znachodziłasia na jaho bazie, i paabiacaŭ pakarać vinavatych.
«Paśla ŭmiašańnia Marka Frankieci, majho kalehi, i majho, nam udałosia pierakanać jaho, što Irynu nieabchodna vyzvalić. Uvohule, pierakonvać asabliva i nie pryjšłosia — Alaksandr sam pravioŭ ułasnaje rasśledavańnie, vykazaŭ abureńnie tym, što adbyłosia, paćvierdziŭ, što jon absalutna nie viedaŭ, što heta žančyna była na jaho bazie. Jon abiacaŭ, što vinavatyja buduć pakaranyja.
Uvohule, ja śviedču, što Iryna Doŭhań zaraz žyvaja, zdarovaja, ź joj usio ŭ paradku, i jana vielmi chutka uźjadnajecca sa svajoj dačkoj», — paviedamiŭ žurnalist.
26 žniŭnia Irynu Doŭhań, zahornutuju ŭ dziaržaŭny ściah Ukrainy, bajcy bataljona «Uschod» pryviazali da słupa ŭ centry Daniecka.
U ruki žančynie dali tabličku «Jana zabivaje našych dziaciej — ahient karnikaŭ».
Jak paviedamlajecca na sajcie horada Daniecka, raniej sieparatysty ŭvajšli ŭ dom žančyny ŭ horadzie Jasinavataja, bo ŭ im hareła śviatło. Na toj momant va ŭsim horadzie treci tydzień nie było elektraenierhii, a ŭ Doŭhań byŭ dyziel-hienieratar.
U jaje domie sieparatysty znajšli ŭkrainskija ściažki i stykiery, a ŭ jaje płanšecie pabačyli adkrytyja ŭkrainskija sajty i paličyli heta dastatkovaj padstavaj dla abvinavačvańnia žančyny ŭ «špijanažy na Kijeŭ».
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak18
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary