Žyćcio Zachodniaj Biełarusi «za polskim časam» pakažuć na vystavie ŭ Zasłaŭi
Naprykancy tydnia ŭ muziei-zapaviedniku «Zasłaŭje» adkryjecca vystava «Zachodniebiełaruskaja Atłantyda». Arhanizatary abiacajuć hledačam pakazać historyju Zachodniaj Biełarusi praz dakumienty, fotazdymki i artefakty.
Hałoŭnaja ideja vystavy pakazać Vieraśnioŭskuju kampaniju 1939 hoda, ŭ jakoj udzielničali złučeńni Vojska Polskaha (u ich składzie była značnaja kolkaść uradžencaŭ zachodniebiełaruskich vajavodstvaŭ mižvajennaj Polščy). Na vystavie taksama pakažuć mirnaje žyćcio Zachodniaj Biełarusi ŭ 1921—1939 hady.
Jak paviedamlajuć supracoŭniki muzieja, važnaje miesca ŭ ekspazicyi nadajecca temie mabilizacyi biełarusaŭ u Vojska Polskaje. U sakaviku 1939 hoda ŭ Druhoj Rečy Paspalitaj pačalisia skrytyja mabilizacyjnyja mierapryjemstvy, u vyniku jakich u polskuju armiju pryzvali značnuju kolkaść zachodnich biełarusaŭ. Paśla ŭsieahulnaj mabilizacyi ŭ kancy žniŭnia 1939 hoda u šerahi Vojska Polskaha zaličyli kala 70 tysiač mužčyn biełaruskaj nacyjanalnaści.
Na vystavie možna budzie ŭbačyć formy aficiera Vojska Polskaha, žaŭniera piachotnaha pałka i maraka pinskaj račnoj fłatylii dy šmat inšaha — usiaho kala 300 pradmietaŭ, bolšaja častka ź jakich — aryhinały.
Ekspanaty dla vystavy - z pryvatnaj kalekcyi Ihara Mielnikava, paznačana ŭ pres-relizie muzieja. Vystava budzie pracavać z 12 vieraśnia da 10 listapada 2014 hoda, z 9.00 da 17.00 kožny dzień, akramia paniadziełka.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary