«Biełarusam nie zaškodzić advahi i śmiełaści»: u Minsk pryjechała vystava pra Jana Karskaha
U Muziei historyi Minska adkryłasia vystava «Jan Karski. Čałaviek svabody», pryśviečanaja hodu Karskaha ŭ Biełarusi.
Vystava, padrychtavanaja Polskim instytutam u Minsku i Muziejem historyi Minska, raskazvaje historyju vybitnaha polskaha dypłamata časoŭ Druhoj Cuśvietnaj vajny, adnym z hałoŭnych daciahnieńniaŭ jakoha stała daniasieńnie infarmacyi ab źniščeńni jaŭrejaŭ u Polščy.
Prezientavać vystavu ŭ Minsk asabista pryjechaŭ dyrektar Muzieja historyi Polščy Robiert Kostra.
Na pres-kanfierencyi siońnia Kostra raskazaŭ, što Karski pamior z pačućciom niavykananaj misii, choć jaho ŭniosak u suśvietnuju historyju ciažka pieraacanić.
Hety čałaviek, ryzykujučy žyćciom, dvojčy zachodziŭ u varšaŭskaje hieta i pabyvaŭ u łahiery śmierci, kab potym raskazać suśvietnym lidaram ab losie jaŭrejaŭ padčas niamieckaj akupacyi.
Kostra vielmi ščaślivy, što hetaja vystava narešcie dabrałasia da Biełarusi, bo, pa jaho słovach, «biełarusy i palaki choć i źjaŭlajucca susiedziami, adnak vielmi mała viedajuć pra historyju adno adnaho».
«Liču, što biełarusam budzie cikava daviedacca pra čałavieka, jaki nie škadavaŭ svajho žyćcia. Vašamu narodu nie zaškodzić śmiełaści i advahi», — skazaŭ jon.
Vystava budzie pracavać da 20 kastryčnikaŭ Muziei historyi h. Minska (vuł. Revalucyjnaja, 10) z 11-j da 19-j hadziny. Vychadnyja dni: paniadziełak, aŭtorak.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie14
Kamientary