U ruki supracoŭnikaŭ ukrainskaha telekanała TSN trapili siensacyjnyja videazapisy, jakija staviać pad sumnieŭ udzieł u ATA Aleha Laško, partyja jakoha pa vynikach ekzit-połaŭ prajšła ŭ Viarchoŭnuju Radu Ukrainy, nabraŭšy 6,4% hałasoŭ vybarščykaŭ.
Nahadajem, što Aleh Laško aktyŭna vykarystoŭvaje vobraz baraćbita ź sieparatystami na ŭschodzie Ukrainy. U Internecie jość niekalki materyjałaŭ, u jakich Laško dapytvaje zatrymanych sieparatystaŭ. Taksama papularnym byŭ rolik, u jakim byŭ pakazany abstreł vałancioraŭ ad radykalnaj partyi Laško padčas ich vizitu ŭ zonie ATO.
Materyjały, jakija demanstruje TSN, pakazvajuć praces pastanoŭki hetych rolikaŭ. Videa, chutčej za ŭsio, było źniata na mabilny telefon adnym z udzielnikaŭ pastanovak. U adnym režysior raskazvaje vałancioram partyi Laško, jak kamu stajać i kudy padać padčas «abstrełu», a ŭ druhim Aleh Laško repietyruje dopyt «sieparatysta». Jak bačna, režysior u abiedźviuch pastanovak adzin i toj ža. Udzielniki videa pavodziać siabie volna, uśmichajucca.
- Zaraz, kali my vyjdziem u efir, ja skažu, što ty machrovy dyviersant. Chacia heta pierabolšańnie. U ciabie tolki švedar machrovy, a nie dyviersant ty machrovy, – daje Aleh Laško instruktaž «sieparatystu».
- Jaki ŭ mianie pašpart? – pytajecca «sieparatyst» u režysiora.
- Ukrainski. U ciabie try pašparty: ukrainski, rasijski i małdaŭski, - adkazvaje Laško.
Nielha skazać, ci astatnija videa z udziełam Laško i jaho dziejańniami ŭ zonie ATA źjaŭlajucca fejkam, ale zrazumieła, što naniesieny surjozny ŭdar pa reputacyi lidera radykalnaj partyi. Zrešty, jon sam jaho sabie i nanios vykarystańniem takich mietadaŭ dla padvyšeńnia ŭłasnaha rejtynha.
Nahadajem, što heta nie pieršy vypadak, kali videa ab pracesie pastanovak rolikaŭ ukrainskich palitykaŭ traplaje ŭ adkryty dostup. Samym rezanansnym da hetaha było videa z udziełam byłoha mera Charkava, a taksama kandydyta u prezidenty Ukrainy na vybarach 2014 hoda Michaiła Dobkina, jakoje litaralna razabrali na cytaty. Mnohija frazy z hetaha videa zrabilisia ahulnaviadomymi miemami i aktyŭna vykarystoŭvajucca pa siońniašni dzień. Nieviadoma, ci taki ž los napatkaje pastanovačnyja videa z Aleham Laško, ale padzieja jak minimum padobnaha masštaba.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary