14 amierykanskich sienataraŭ zaklikali Trampa skasavać zaprašeńnie Pucinu na samit G20 u Majami
«Pucin niasie adnaasobnuju adkaznaść za raźviazvańnie Rasijaj poŭnamaštabnaj ahresiŭnaj vajny suprać Ukrainy», — havorycca ŭ zvarocie.
Dvuchpartyjnaja hrupa z 14 sienataraŭ zaklikała prezidenta ZŠA Donalda Trampa adklikać zaprašeńnie kiraŭniku Kramla Uładzimiru Pucinu na samit G20, jaki adbudziecca ŭ Majami ŭžo ŭ śniežni, piša Washington Post sa spasyłkaj na list sienataraŭ.
«Pucin niasie adnaasobnuju adkaznaść za raźviazvańnie Rasijaj poŭnamaštabnaj ahresiŭnaj vajny suprać Ukrainy…Jaho ŭdzieł u samicie G20 u ZŠA vyklikaje surjoznuju zaniepakojenaść z nahody lehitymizacyi i narmalizacyi ŭrada, jaki praciahvaje štodnia atakavać hramadzianskija abjekty va Ukrainie».
Sienatary adznačyli, što Pucin, ministr finansaŭ RF Anton Siłuanaŭ i inšyja členy rasijskaj delehacyi znachodziacca pad sankcyjami ZŠA z-za dziejańniaŭ, jakija ličacca pahrozaj nacyjanalnaj biaśpiecy.
Pavodle słoŭ sienataraŭ, adsutnaść mižnarodnaj izalacyi moža źnižać dla Pucina matyvacyju pahadžacca na spynieńnie ahniu z Ukrainaj.
Napiaredadni dziaržaŭny sakratar ZŠA Marka Rubia vykazaŭ nadzieju, što kiraŭnik RF Uładzimir Pucin naviedaje samit lidaraŭ G20, jaki adbudziecca ŭ Majami ŭ śniežni hetaha hoda.
Razam z tym ŚMI pišuć, što prylot rasijskaha kiraŭnika ŭ Majami małaimavierny.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary