Hrosmajstar Dzianis Łazavik: «Biełaruskaja mova vymiraje. Ja na joj zusim nie razmaŭlaju, dy i z kim?»
Biełaruski hrosmajstar Dzianis Łazavik adkazaŭ na pytańnie, jak jon stavicca da biełaruskaj movy. Adbyłosia heta ŭ padkaście, dzie abodva śpikiery razmaŭlali pamiž saboj pa-rusku, piša «Trybuna».
«Ja nie razmaŭlaju pa-biełarusku. Ja nie toje kab u hetym šaru, ale pazicyja — što, zrazumieła, mova vymiraje. I bieź niejkaha surjoznaha dziaržaŭnaha ŭmiašańnia, jak by, naturalna, jana i kančatkova vymre. Nu, budzie tam niejkaja kolkaść ludziej u vioskach, jakija razmaŭlajuć na biełaruskaj abo tam, što nazyvajecca, na trasiancy.
Dziaržaŭnaha ŭmiašańnia my nie chočam, kab kali ŭ kramie razmaŭlaješ pa-rusku, to tabie dubinka prylataje: «Nie, havary pa-biełarusku». Kali niešta takoje budzie, tady možna dumać, što jana moža znoŭ stać adzinaj dziaržaŭnaj i naohuł zastacca va ŭžytku. A ŭ lubym inšym vypadku niekalki dziasiatkaŭ hadoŭ — i ŭžo zusim navat u tralejbusach [pry abjaŭleńni prypynkaŭ] vy jaje nie pačujecie.
Ja razumieju biełaruskuju, ale ja na joj zusim nie razmaŭlaju. U hetym płanie mnie nie vielmi pašancavała z nastaŭnicaj. A jak-niebudź vučyć jaje — nie viedaju. U mianie było takoje žadańnie adnojčy, ale heta šmat času zajmaje. Dy i z kim ja budu na joj razmaŭlać — taksama niezrazumieła.
A śpiecyjalna pačynać razmaŭlać tolki na biełaruskaj… Nu, voś zaraz by my (kaniec frazy havoryć pa-biełarusku — Tribuna.com) razmaŭlali na biełaruskaj movie…
Pa-mojmu, naohuł nikomu niazručna zusim. Typu ludziam napružvacca, kab zrazumieć. Navošta heta treba?
Ja ŭ hetym płanie hladzieŭ niejkija debaty. Jość taki rasijski błohier Alaksandr Štafanaŭ. I jon tam debatavaŭ jakraz pra biełaruskuju movu. U mianie ŭ hetym płanie pazicyja ź im supadaje (Štafanaŭ, jaki vučyŭsia ŭ škole ŭ Viciebsku, zajaŭlaŭ, što možna «abo źmirycca, što biełaruskaja mova vymiraje, abo źviarnucca da dziaržaŭnaha hvałtu». — Tribuna.com).
Nu, prosta tamu što niemahčyma [biełaruskuju movu] nazad ustanavić biez surjoznaha ŭmiašańnia. Heta, jak praviła, drenna zakančvajecca. I navošta heta treba — niezrazumieła. Voś», — skazaŭ Łazavik.
Ciapier 19‑hadovy Dzianis Łazavik staŭ hrosmajstaram pa šachmatach jašče ŭ 2022 hodzie, u 16‑hadovym uzroście. Jon najmaładziejšy biełarus, jaki dasiahnuŭ takoj viaršyni. U 2023 i 2025 hadach jon vyjhraŭ čempijanat Biełarusi. Taksama atrymaŭ viadomaść dziakujučy paśpiachovym vystupam u blic– i rapid-turnirach u internecie (u tym liku na Chess.com) i na mižnarodnych spabornictvach (Champions Chess Tour i inš.).
19‑hadovy biełarus na hałoŭnym kibierspartyŭnym šachmatnym turniry śvietu zarabiŭ užo jak minimum $190 tysiač
Zarabiŭ dziasiatki tysiač dalaraŭ, a jamu tolki 18. Intervju z maładoj biełaruskaj zorkaj šachmat, jaki pieramahaŭ Mahnusa Karłsena
18‑hadovy biełarus Dzianis Łazavik pieramoh Mahnusa Karłsena na čempijanacie śvietu pa rapidzie
«Vymierła i vymierła». Rasijski błohier Štafanaŭ vykazaŭsia pra biełaruskuju movu. Komiki Mirzalizade i Kryviec zarubilisia ź im
«Viciebsk i Smalensk asacyjavalisia z małoj i vialikaj Rasijaj. Jość u hetym niadobraje». Rasijski błohier Štafanaŭ zhadaŭ svajo žyćcio ŭ Biełarusi
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»3
Kamientary