Z 24 vieraśnia ŭ Banhkoku vypała amal 300 mm apadkaŭ, vada zatapiła darohi i pranikła ŭ damy.
U niekatorych miescach aŭtamabili napałovu apynulisia pad vadoj, ludzi pierasoŭvajucca pa pojas u vadzie, piša Bi-bi-si.
Nadzvyčajnaja situacyja abvieščana va ŭsich piacidziesiaci rajonach horada. Hubiernatar Banhkoka Čadčart Sittypunt zajaviŭ, što situacyja «pahražaje žyćciu ludziej» i moža nanieści škodu dziaržaŭnaj i pryvatnaj majomaści.
Pavodle słoŭ hubiernatara, najbolš mocna paciarpieła ŭschodniaja častka horada.
«Doždž praciahvaje iści, i my robim usio mahčymaje. My sprabujem adpampoŭvać vadu, ale kanały ŭžo pierapoŭnienyja… U zonie ryzyki znachodziacca žychary, čyje damy raźmieščany pobač z kanałami. Ciapier usie kanały zapoŭnienyja da miažy», — cytuje jaho słovy AFP.
Ludziam, jakija žyvuć pobač z kanałami, rekamiendujuć pieranieści rečy na vierchnija pavierchi.
Pry hetym, jak papiaredžvajuć mietearołahi, na praciahu vychodnych čakajucca navalnicy, a heta aznačaje, što mohuć pierapoŭnicca i inšyja kanały. Na praciahu tydnia prahnazujucca novyja daždžy, choć, jak čakajecca, vobłaść nizkaha cisku, jakaja vyklikała liŭni, zrušycca ŭ bok centralnaj častki krainy — Banhkok znachodzicca na poŭdni.
Suvarnabchumi, hałoŭny aeraport horada, pakul pracuje ŭ zvyčajnym režymie, adnak padarožnikam rekamiendujuć zakłaści ŭ svaje płany dadatkovyja dźvie-try hadziny.
Armija paviedamiła, što razhortvaje punkty časovaha raźmiaščeńnia i palavyja kuchni. Paciarpiełyja ad pavodki zmohuć vykarystoŭvać škoły ŭ jakaści časovaha žylla. Žycharoŭ zaklikajuć bieź nieabchodnaści nie vychodzić z domu i nie ździajśniać pajezdak. Pry hetym Reuters adznačaje, što ŭ supiermarkietach šmatludna: ludzi zapasajucca nieabchodnymi tavarami.
«Ja taksama chvalujusia, bo zahadzia nie zapasłasia praduktami i nikoli raniej nie sutykałasia z takoj situacyjaj u adzinocie — maich baćkoŭ ciapier niama pobač», — raspaviała ahienctvu 19‑hadovaja Sansuk Łaavatčarakuł.
Žycharka adnaho z kandaminiumaŭ Banhkoka, akružanaha vadoj, raspaviała Reuters, što da taho, jak ułady zaklikali žycharoŭ, jakija žyvuć pobač z kanałami, pieranieści rečy vyšej, jana nie ŭśviedamlała surjoznaści situacyi i nie zadumvałasia pra toje, kab kudy-niebudź pierajechać. Žurnalisty zastali jaje za pieranosam rečaŭ.
67‑hadovaja Samkit Pchyk-nham, jakaja žyvie kala kanała ŭ paŭnočnaj častcy Banhkoka, paskardziłasia AFP, što jaje mahazin vymušana začynieny ŭžo dva dni.
«Vada praciahvaje prybyvać. Vyjści z domu ciapier składana, vada pa pojas. Ja nie mahu nikudy pajści», — raspaviała jana.
Na jaje dumku, situacyja navat horšaja, čym padčas maštabnaj pavodki 2011 hoda, ad jakoj paciarpieła ŭsia kraina. Tady ekstremalnyja ŭmovy nadvorja zachoŭvalisia na praciahu troch miesiacaŭ, i pa ŭsim Tajłandzie zahinuli sotni ludziej. Ciapier infarmacyi pra achviary pakul niama.
Navalnicy — zvyčajnaja źjava dla Tajłanda ŭ hety čas hoda, adnak ekstremalnyja ŭmovy nadvorja apošnich dzion pryviali da pierahruzki haradskoj drenažnaj sistemy i vyklikali transpartny kałaps na i biez taho pierahružanych darohach.
U listapadzie minułaha hoda, jak adznačaje Reuters, Tajłand užo pieražyŭ najmacniejšuju za niekalki dziesiacihodździaŭ pavodku. U paŭdniovych pravincyjach byli paškodžanyja tysiačy damoŭ, zahinuli pa mienšaj miery 145 čałaviek.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy7
Kamientary