Chakiery atakavali infarmacyjnuju sistemu MUS Litvy, u jakoj zachoŭvalisia źviestki pra inšaziemcaŭ
Uviečary 24 vieraśnia ministr unutranych spraŭ Litvy Marcinas Kacialinas atrymaŭ infarmacyju pra kibierataku na infarmacyjnuju sistemu, jakuju administruje Departamient infarmatyki i suviazi pry Ministerstvie ŭnutranych spraŭ, paviedamlaje pres-słužba MUS.
Pavodle najaŭnaj infarmacyi, niezakonny dostup byŭ atrymany da EPEKIS — infarmacyjnaj sistemy, źviazanaj z nadańniem dziaržaŭnych pasłuh hramadzianam Litvy i inšaziemcam, u tym liku z pytańniami vydačy dakumientaŭ i kansultavańnia.
Adnak hetaja sistema z 2018 hoda aktyŭna nie vykarystoŭvajecca i ciapier vykonvaje funkcyi archiva. U joj zachoŭvajucca archiŭnyja źviestki pra inšaziemcaŭ, jakija źviartalisia pa pytańniach atrymańnia hramadzianstva Litvy. Bolšuju častku danych składajuć imiony i proźviščy zamiežnych hramadzian bieź ich asabistych kodaŭ.
Pavodle Departamienta infarmatyki i suviazi, niezakonny dostup da sistemy byŭ apieratyŭna spynieny. Na hety momant viadoma, što złamyśniki zdoleli praniknuć u sistemu i stvaryć nabory danych. Pry hetym faktu spampoŭvańnia infarmacyi ź sistemy pakul nie vyjaŭlena.
Ministr unutranych spraŭ Litvy Marcinas Kacialinas zajaviŭ, što incydent jašče raz pakazaŭ nieabchodnaść pastajanna ŭzmacniać abaronu dziaržaŭnych infarmacyjnych sistem. Paśla razmovy z adkaznymi słužbami jon daručyŭ acanić biaśpieku ŭsich infarmacyjnych sistem i baz danych, jakija znachodziacca ŭ padparadkavańni MUS.
Pa słovach ministra, paśla papiaredniaha incydentu ŭ Centry rejestraŭ u sistemach MUS užo ŭkaranili dvuchfaktarnuju aŭtentyfikacyju, a taksama ŭzmacnili techničny kantrol za pieradačaj danych i inšyja miechanizmy manitorynhu. Mienavita hetyja miery, jak śćviardžajecca, dazvolili svoječasova zaŭvažyć uzłom i spynić dalejšyja škodnasnyja dziejańni.
Kacialinas taksama nie vyklučyŭ, što padčas ataki mahła vykarystoŭvacca płatforma sa štučnym intelektam. Pavodle jaho słoŭ, mahčymaści kibieratak vielmi chutka raźvivajucca, tamu dziaržava pavinna adnačasova ŭzmacniać i ŭłasnyja srodki abarony.
U Litvie adbyłasia maštabnaja ŭciečka ź dziaržaŭnaj bazy rejestraŭ. Mohuć paciarpieć i biełarusy
«Situacyja značna bolš surjoznaja». Chakiery ŭ Litvie skrali kala 600 tysiač zapisaŭ, u tym liku litoŭskich raźviedčykaŭ
Chakiery paviedamili pra ŭzłom sajta FBR i atrymańnie źviestak pra supracoŭnikaŭ
«Vašy pašparty, bankaŭskija kartki, braniravańni — u našych rukach». Chakiery ŭzłamali sajt papularnaha turapieratara Tez Tour
Kamientary