Z «čornaha śpisu» ES vyklučanyja Piefcijeŭ, Tarnaŭski, Orda

Na sajcie Aficyjnaha časopisa Jeŭrasajuza apublikavany śpis biełaruskich čynoŭnikaŭ i pradpryjemstvaŭ, jakija vyklučany z «čornaha śpisu» sankcyj ES. 

Sa śpisu vyklučanyja šerah čynoŭnikaŭ i sudździaŭ, a taksama rektar Bresckaha dziaržaŭnaha ŭniviersiteta Miečysłaŭ Časnoŭski, hramadski dziejač Siarhiej Kaścian, žurnalist Alaksiej Michalčanka, biznesmieny Uładzimir Piefcijeŭ i Anatol Tarnaŭski, novy kiraŭnik Fiederacyi prafsajuzaŭ Michaił Orda,

sudździ Aksana Relava, Śviatłana Akulič, Alaksandr Chadanovič, Ihar Krot, Ina Šejko, Alena Ciciankova, Dźmitryj Jufierycyn, Dźmitryj Alaksandraŭ (sudździa Vyšejšaha haspadarčaha suda);

Siarhiej Hardzijenka (namieśnik redaktara haziety «Sovietskaja Biełoruśsija»), Alaksiej Husieŭ (były pieršy namieśnik dyrektara Infarmacyjna-analityčnaha centra pry Administracyi prezidenta Biełarusi), Alaksandr Kalada, Nadzieja Kisialova (byłyja členy CVK); Viačasłaŭ Krukoŭski (były kiraŭnik Viciebskaj abłasnoj vybarčaj kamisii);

Piotr Kucharčyk (były rektar Biełaruskaha piedahahičnaha univiersiteta, pamior); Eduard Padalak (namieśnik staršyni asacyjacyi pa infarmacyjnych pytańniach i sacyjalnym partniorstvie); Mikałaj Stoš (były kiraŭnik Homielskaj abłasnoj vybarčaj kamisii);  Alaksandr Taranda (namieśnik redaktara haziety «SB»); Halina Tarapieckaja (namieśnik redaktara haziety «SB»).

Źniaty taksama sankcyi z pradpryjemstvaŭ «BT Telekamunikacyi» (kantraluje Piefcijeŭ), «Naftachimtrejdynh», «Trajpłfarm», «Trajpł-Vieles» (kantraluje Juryj Čyž), «Juniviest-M»; «Junis-Ojł», «Juniviestbudinviest» (Anatola Ternaŭskaha).

***

30 kastryčnika Rada Jeŭrapiejskaha sajuza na hod praciahnuła sankcyi ŭ dačynieńni da Biełarusi, da 31 kastryčnika 2015. Sankcyi byli «pradoŭžanyja i abnoŭlenyja». Praciah sankcyj ES źviazvaje z tym, što «nie ŭsie palityčnyja viaźni byli vyzvalenyja i reabilitavanyja», a situacyja z pravami čałavieka, viaršenstvam zakona i demakratyčnych pryncypaŭ «istotna nie palepšyłasia».

U «čorny śpis» ŭvachodziać kiraŭnik Biełarusi Alaksandr Łukašenka i jaho syny — Viktar i Dźmitryj, ministr justycyi Aleh Śližeŭski, staršynia KDB Valeryj Vakulčyk, kiraŭnik Centralnaj vybarčaj kamisii Lidzija Jarmošyna, ministr pa padatkach i zborach Uładzimir Pałujan i inšyja pradstaŭniki biełaruskaj ułady.

Hety «śpis» byŭ sfarmavany paśla prezidenckich vybaraŭ 2006 hoda ŭ suviazi sa «šmatlikimi parušeńniami pravoŭ čałavieka». «Čorny śpis» byŭ pašyrany paśla prezidenckich vybaraŭ u Biełarusi ŭ śniežni 2010 hoda.

• 0
• 0
• 0
• 0
• 0
• 0
• 0
• 0