ZŠA «zaniepakojenyja» adstaŭkami prajeŭrapiejskich ministraŭ u Hruzii
ZŠA «zaniepakojenyja» ŭnutrypalityčnaj baraćboj u Hruzii. Pra heta havorycca ŭ aficyjnaj zajavie pres-sakratarki Dziarždepartamienta ZŠA Džen Psaki.
«U intaresach Hruzii — demanstravać stabilnaść, adzinstva, addanaść pryncypam pravavoj dziaržavy i publičny davier demakratyčnym instytutam, — havorycca ŭ zajavie. — My zaklikajem usie baki pracavać dla hetych metaŭ i zasiarodzicca na zabieśpiačeńni jeŭraatłantyčnaj budučyni Hruzii. My zaklikajem urad Hruzii zrabić kroki, jakija b raźviejali ŭražańni, što sudovaja sistema vykarystoŭvajecca ŭ palityčnych metach i prademanstravać svaju prychilnaść našym supolnym demakratyčnym kaštoŭnaściam», — zaklikajuć ZŠA.
Partyja miljardera Bidziny Ivanišvili, pryjšoŭšy da ŭłady, raspačała pieraśled top-asobaŭ byłoha ŭrada Saakašvili. Dajšło da taho, što sam były prezident byŭ vymušany pierajechać u ZŠA, kab uniknuć kryminalnaha pieraśledu.
U apošnija dni «palavańnie na viadźmarak» raspaŭsiudziłasia na samu ŭradavuju kaalicyju «Hruzinskaja mara». U adstaŭku syšoŭ ministr abarony Iraklij Ałasanija, a za im i ministry jeŭraatłantyčnaj intehracyi i zamiežnych spraŭ. Jany naležali da prajeŭrapiejskaha kryła kaalicyi, što vyklikała tryvohu ŭ Bruseli j Vašynhtonie.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie4
Kamientary