Što da Novaha hodu, to, ź jahonych słovaŭ, «darosłyja dzieci śviatkujuć Novy hod asobna, a ja z małym — u svaim domie».
U vypadku ŭviadzieńnia značnych ekanamičnych sankcyj u dačynieńni našaj krainy z boku ZŠA biełaruski bok adreahuje samym žorstkim čynam, zajaviŭ siońnia padčas naviedvańnia «SOS-Dziciačaj vioski» ŭ Baraŭlanach Alaksandr Łukašenka.
«Jak tolki heta značna zakranie našu ekanomiku, to pieršy, chto budzie adsiul vyšpurnuty, heta pasoł Złučanych Štataŭ Amieryki. Ja kažu pra heta publična. Tamu chaj amierykanski pasoł supakoicca i zajmajecca svaimi prablemami, bo daterminova moža pakinuć svaju pasadu ŭ Biełarusi», —zajaviŭ biełaruski prezident u adkaz na słovy kiraŭnički amierykanskaj dypmisii Karen Ściuart nakont taho, što sankcyi ŭ dačynieńni da Biełarusi mohuć być pašyranyja.
«My vyžyviem, my abydziemsia biez amierykanskaha dołara. Nie padabajecca amierykancam, što my pracujem ź ich valutaj — my adydziem ad dołara. Ale ŭvieś čas pryhinać nas nie ŭdasca. Nie padabajecca im, što my ŭ Vieniesuele pracujem! Kali łaska, chaj daduć mahčymaść — budziem u Amierycy pracavać. My idziom tudy, dzie nas prymajuć i dzie my možam atrymać najbolšy plon dla svajoj ekanomiki», — skazaŭ Łukašenka.
A. Łukašenka pažadaŭ, kab pry ŭsich składanaściach ekanomika ŭ nastupnym hodzie vystajała. Jon zajaviŭ, što ciaham 2008 hodu indyvidualnyja pradprymalniki buduć pastaŭleny ŭ «roŭnyja ekanamičnyja ŭmovy» dziejnaści ź jurydyčnymi asobami.
Pavodle A. Łukašenki, indyvidualnyja pradprymalniki dempinhavali, «razburyli sotni pracoŭnych miescaŭ na biełaruskich pradpryjemstvach, siarod inšaha ŭ lohkaj pramysłovaści». Jon nahadaŭ, što pradprymalniki majuć jašče dva miesiacy, kab pieratvarycca ŭ pryvatnyja ŭnitarnyja pradpryjemstvy.
Adkazvajučy na pytańni pra Novy hod, jon paviedamiŭ, što pa tradycyi budzie śviatkavać Novy hod udoma. Ź jahonych słovaŭ, «darosłyja dzieci śviatkujuć Novy hod asobna, a ja z małym u svaim domie».
-
Łukašenka zapatrabavaŭ ad ministra abarony vyznačyć umacavanyja rajony, jakija buduć zaniatyja na praciahu sutak
-
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu
-
U Izraili, imavierna, zatrymali byłoha vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu16
Kamientary