JECB pasłaŭ žorstkaje papiaredžańnie Hrecyi: admoviŭsia kredytavać pad zastavu ablihacyj
Hety krok vykliča padzieńnie jeŭra.
Jeŭrapiejski centralny bank admoviŭsia vykarystoŭvać hrečaskija daŭhavyja dziaržablihacyi u jakaści zabieśpiačeńnia kredytaŭ dla bankaŭ krainy. Ab hetym paviedamlajecca na sajcie JECB.
Rašeńnie rehulatara ŭstupić u siłu 11 lutaha.
«Prypynieńnie vykarystańnia ablihacyj adpaviadaje isnujučym praviłam jeŭrasistemy, bo ciapier niemahčyma prahnazavać paśpiachovaść zakančeńnia pravierki prahramy pra nadańni pazykaŭ», — havorycca ŭ paviedamleńni banka.
Raniej ŚMI pisali, što JECB nie zhodny z klučavym punktam novaha antykryzisnaha płana Hrecyi. U pryvatnaści, rehulataru nie padabaŭsia płan, u adpaviednaści ź jakim Afiny pryciahnuć € 10 młrd praz vypusk karotkaterminovych kaznačejskich veksalaŭ u jakaści «pramiežkavaha finansavańnia» na bližejšyja try miesiacy, pakul Hrecyja uzhadniaje novyja miery sa svaimi partniorami pa jeŭrazonie.
U Hrecyi da ŭłady pryjšoŭ lavacki papuliscki ŭrad. Asobnyja jaho dziejačy źviazanyja ciesnymi suviaziami z režymam Pucina. U pryvatnaści, ministr zamiežnych spravaŭ Hrecyi naviedvaŭ vystup u Afinach rasijskaha nieanacysta Duhina.
Novy premjer Hrecyi Aleksis Cypras choča, kab Hrecyi adterminavali vypłaty pa zamiežnym doŭhu.
Raniejšyja ŭrady Hrecyi — jak levyja, tak i pravyja — nabrali zašmat kredytaŭ, kab zabiaśpiečyć rost uzroŭniu žyćcia. Kali toje vyjaviłasia, raspačaŭsia mocny finansavy kryzis.
Ekanomika Hrecyi skaraciłasia na 27% ad 2007 hoda, bolš za čverć nasielnictva krainy ličycca farmalna biespracoŭnym. Praŭda, niekatoryja ekanamisty staviać apošniuju ličbu pad sumnieŭ, bo ŭ hrečaskaj statystycy šmat machlarstva. Hetak, u krainie fiksavalisia vypadki, kali «ślapyja», što atrymlivali vysokuju dapamohu pa invalidnaści, adnačasova pracavali taksistami.
Krok Jeŭrapiejskaha centrabanka vykliča turbulencyju na rynkach. Jeŭra, jak čakajecca, apuścicca proci dalara.
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy14
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach88
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach8
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary