Mašyna tryvałaja, choć užo i va ŭzroście — joj try dziasiatki hadoŭ.
U Viciebskim rajonie pa race Dźvina kursiruje katar pad nazvaj «Tytanik». Jaho asnoŭnaja zadača — pieravozić žycharoŭ Suraža z adnaho bieraha haradskoha pasiołka na druhi, piša BiełTA.
Suraž padzieleny rakoj na dźvie niaroŭnyja častki. Usiaho tut pražyvajuć 773 čałavieki, ź ich kala 40 — na mienšaj častcy nasielenaha punkta. Dapamahaje dabracca ludziam z adnaho bieraha na druhi vodny transpart.
Jak raskazaŭ namieśnik načalnika Žyllova-ramontnaha ekspłuatacyjnaha pradpryjemstva Viciebskaha rajona Juryj Sarokin, ludziej pieravozić abo katar, abo parom.
«Pa race Dźvinie kursiruje «Tytanik», kali ŭzrovień vady ŭ race pavyšajecca. Zvyčajna heta adbyvajecca viasnoj abo ŭ pieryjad bahatych daždžoŭ», — udakładniŭ jon.
Pastajannaja pasažyrka «Tytanika» — Iryna Doŭhaja. «Pracuju ŭ Suražskaj biblijatecy. Kožny dzień treba dabiracca na pracu praz raku. Dobra, što jość mahčymaść pierapravicca na katery. Pa darozie abjezd vialiki, praz Rubu, heta kala 100 km», — raspaviała jana.
Kiruje «Tytanikam» užo bolš za 15 hadoŭ mataryst Anton Biełavusaŭ.
«Mašyna tryvałaja, choć užo i va ŭzroście — joj try dziasiatki hadoŭ. Adnak jana spraŭna vykonvaje svaju funkcyju — dastaŭku ludziej. Moža pieravozić 10 čałaviek. Jašče kater słužyć dla buksiroŭki vodnaha transpartu. Darečy, u «Tytanika» jość navat kajuta, pry nieabchodnaści ŭ joj možna adpačyć», — raskazaŭ jon.
Pry źnižeńni ŭzroŭniu vady ŭ race pačnie pracavać parom. «Jaho ŭmiaščalnaść značna bolšaja. Jon słužyć dla pierapravy nie tolki ludziej, ale i transpartnych srodkaŭ. U 2020 hodzie była praviedziena jaho madernizacyja — hruzapadymalnaść pavialičyłasia da 120 t. Siońnia možna bieśpieraškodna pierapraŭlać navat lesavozy, kambajny», — dadaŭ Juryj Sarokin.
Pieryjad navihacyi paroma davoli praciahły. U minułym hodzie jon skončyŭsia ŭ kancy śniežnia, u hetym pačaŭsia z 1 krasavika. Adnak miascovyja žychary spadziajucca, što kali-niebudź dva bierahi harpasiołka złučyć most.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?2
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary