Sabrali mierkavańni zvyčajnych biełarusaŭ pra štrafy «za prapahandu biaździetnaści».
U Biełarusi pryniali źmieny ŭ Kodeks ab administracyjnych pravaparušeńniach. Samaj rezanansnaj častkaj novaŭviadzieńniaŭ stała ŭviadzieńnie adkaznaści za «prapahandu nietradycyjnych seksualnych adnosin, źmieny połu, biaździetnaści i piedafilii».
Parušalnikam-fizičnym asobam pahražaje štraf da 20 bazavych vieličyń (900 rubloŭ), indyvidualnym pradprymalnikam — da 100 bazavych (4500 rubloŭ), a jurydyčnym asobam — da 150 bazavych vieličyń (6750 rubloŭ).
Hetaja navina vyklikała burnuju reakcyju ŭ sacyjalnych sietkach. Adpaviednaje videa ŭ TikTok užo nabrała bolš za paŭmiljona prahladaŭ.
«Najaŭnaść dziaciej — heta asabistaja sprava kožnaj siamji», — adznačaje adzin z karystalnikaŭ. Jaho kamientar łajkami padtrymali bolš za 2700 čałaviek.
Biełarusy i biełaruski aktyŭna tłumačać pryčyny, čamu jany nie śpiašajucca zavodzić dziaciej. U pieršuju čarhu ludzi narakajuć na materyjalnyja ciažkaści:
«Dyk kali niama hrošaj na zabieśpiačeńnie dziciaci, što mnie rabić?»
«Chaču dzicia, ale niama svajho žylla i srodkaŭ, kab jaho zabiaśpiečyć. Daście?»
«Tańniej štraf płacić, čym utrymlivać dzicia».
«Samaja mahutnaja prapahanda biaździetnaści — heta ceny na žyllo».
«Z takimi supraćzačatkavymi zarobkami i cenami na žyllo nijakaj prapahandy nie treba!»
Niekatoryja kamientatary źviartajuć uvahu na stan zdaroŭja:
«Mnie chutka 37, kuča prablem sa zdaroŭjem, sama ledź žyvaja, jakoje dzicia? Dy i naradzić nie mahu».
«U mianie prablema sa zdaroŭjem, i lekary zabaranili mnie naradžać, navat vahitnieć nielha i mnie pašancavała. Skazali: žyvi dla siabie i achoŭvajsia, ja tak i rablu. I ja vielmi rada, što mnie zabaroniena i nielha».
Biełarusy taksama prapanoŭvajuć svaje rašeńni prablemy:
«Tady niachaj pavyšajuć zarobki. U naš čas navat kvateru narmalna kupić nie atrymajecca, a zabiaśpiečvać dziaciej budzie jašče składaniej».
«Dajcie hrošaj, i ja zbuduju siamju».
Inšyja zadajucca rytaryčnymi pytańniami: «Niaŭžo ŭsio tak drenna ŭ biudžecie?», «Da čaho dakacilisia?», «Dy što ž heta pačynajecca?».
Mnohija prosta kanstatujuć:
«Niejak heta ŭsio niapravilna».
Niechta zamiest słoŭ apublikavaŭ malunak.
Hučać i rezkija zaŭvahi:
«Łukašenka niachaj sam naradžaje» (130 łajkaŭ).
«Moža, prypynić pracu parłamienta? Raptam jany stamilisia i mazhi ŭ ich nie pracujuć????»
«Dy chopić užo… adčapiciesia ad ludziej!» — piša adzin z karystalnikaŭ.
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie
«Trava tvaja, a piasok dziaržaŭny!» Biełarusy aburanyja štrafami za «kradziež» piasku
«Na Kamiennaj Horcy žyvu. Spała vydatna». Pad roliki pra dron nahnali tych samych botaŭ
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary
A tak połučajetsia, čto komu-to morkovka, a komu-to tolko chvostik ot morkovki.
Poka nie ubieriem etu rakovuju opuchol s tieła biełaruskoho naroda - ničieho u nas nie pomieniajetsia v łučšuju storonu, a budiet tolko chužie. Nie za horami vtiahivanije Biełarusi v vojnu na storonie raški i trudovyje łahieria v Čiernobylskoj zonie, kak v "družiestviennoj" Sieviernoj Korieje.
Dyk a chto prymušaje jaje radžać? Pad zabarona prapahandy, a nie sama biaździejnaść. Takich jak jana, chutčej treba paškadavać.