11 (7). Juryj Čyž
Ułaśnik kampanii «Trajpł».
Nivodzin inšy biełaruski miljanier nie maje takoj raznastajnaści ŭ biznesie. U impieryi Juryja Čyža i naftavy siektar, i nieruchomaść, i rytejł, i budmateryjały, i farmaceŭtyka, i turyzm, i restarany… A taksama lubimaja cacka — futbolnaje «Dynama», jakoje letaś upieršyniu dajšło da hrupavoj stadyi jeŭrakubkaŭ.
Čyž pa-raniejšamu ličycca samym bahatym i ŭpłyvovym biznesmienam krainy. Jon maje dziaržaŭnyja ŭznaharody, jamu ŭdajecca atrymlivać łasyja kavałki ziamli pad budaŭnictva ŭ Minsku. U adkaz Čyž biare na siabie «sacyjalnuju nahruzku». Paśla zimovaj Alimpijady trya biełaruskich čempijonaŭ atrymała ŭ padarunak kvatery ŭ znakamitym domie «La Trajeckaha».
Darečy, padčas spabornictvaŭ miljanier lataŭ u Sočy razam ź inšymi siabrami Łukašenki. Byŭ jon pobač z kiraŭnikom krainy i padčas letašniaj pajezdki ŭ Abjadnanyja Arabskija Emiraty.
Čyž zastajecca apošnim biznesmienam u čornym śpisie nieŭjaznych u Jeŭrasajuz, jahonyja byłyja «kalehi», Uładzimir Piefcijeŭ i Anatol Tarnaŭski, užo vykraśleny adtul. Što da kampanij Čyža, to niekatoryja ź ich atrymali amnistyju ad jeŭrapiejskich čynoŭnikaŭ.
Cytata
«Nahu pastavić niama kudy, abaviazkova pad joj što-niebudź znojduć: to ad manhoła-tataraŭ razvaliny, to jašče niešta».
Cniežań 2014.
Abjektyŭka
Nar. u 1963 u vioscy Sabali Biarozaŭskaha rajona. Zakončyŭ BNTU. Majstar sportu SSSR pa hreka-rymskaj baraćbie. Ułaśnik roznahalinovaj biznes-impieryi «Trajpł». Trapiŭ pad sankcyi Jeŭrasajuza jak «kašalok Łukašenki». Žanaty, maje troch dziaciej.
* * *
Čytajcie taksama:
«Na dziaržavu pracavać nie budu!». Jak Juryj Čyž staŭ miljanieram
* * *
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny9
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary