Staronka Rusłana Frajemčuka Ukantakcie dazvalaje ŭbačyć unutrany śviet čałavieka, jaki moh skraści $840.000
Rusłan Frajamčuk — achoŭnik «Biełśvisbanka», jaki, jak padazraje śledstva, vynies ź siejfa svajho banka kala 840 tysiač dalaraŭ u roznych valutach. Nie zabyŭsia navat 100 złotych.
Frajamčuk źnik. Ciapier heta samy šukany čałaviek u Biełarusi. Ale jahonaja staronka Ukantakcie zastajecca adkrytaj. Inšyja ludzi nie majuć da jaje dostupu, a luby vychad u internet samoha Frajemčuka zafiksavaŭ by dla śledčych miesca jaho znachodžańnia.
Staronka Frajemčuka dazvalaje zazirnuć va ŭnutrany śviet, pabačyć zachapleńni i styl myśleńnia čałavieka, jakoha padazrajuć u adnym z najbolšych kradziažoŭ u historyi Biełarusi.
Jak achoŭnik, Frajamčuk daskanała viedaŭ miechanizm pracy adździaleńnia banka ŭ samym centry Minska, kala Ratušy na płoščy Svabody. Jon pakinuŭ bank apošnim paśla pracoŭnaj suboty 25 krasavika. A źniknieńnie hrošaj vyjavili tolki ŭ paniadziełak 27-ha.
Jak baćka, Frajamčuk biaźmiežna lubić svaju 9-hadovuju dačku-madelku Aleksiju. Jaje fotami zapoŭniena staronka. Z žonkaj Rusłan raźviedzieny — infarmacyja na staroncy: «Niežanaty».
Proźvišča Frajamčuk — redkaje. Proźviščy na -uk zvyčajna biełaruskija zachodniepaleskija abo ŭkrainskija i pachodziać ad ułasnych imionaŭ. Dadzienaje — ad redkaj dla nas, biblijnaj formy imia Achrem, Jafrem — Fraim, Efraim.
9 maja 2014 hoda Frajamčuk raźmiaščaŭ pieśniu «A Studyjo» «Nam nužna adna pabieda» i zyčyŭ «Spasibo diedu za pobiedu».
A 30 maja minułaha hoda raźmiaściŭ na svajoj staroncy inšuju «mudraść»: «Lepš zrabić i paškadavać, čym nie zrabić i paškadavać». Mahčyma, jakraz tady, u pieradlećcie, u jahonaj hałavie i naradziłasia dziorzkaja zaduma.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary