89-hadovaja lehienda sceny pamierła 2 maja ŭ Hiermanii ad sardečnaha prystupu.
Viestku pra śmierć Plisieckaj paviedamiŭ muž baleryny, kampazitar Radzivon Ščadryn.
Plisieckaja była prymaj Vialikaha teatra daŭžej, čym chto-kolviek — z 1943 da 1990 hoda.
Jana naradziłasia ŭ Maskvie ŭ siamji savieckaha haspadarčaha dziejača Michaiła Emanuiłaviča Plisieckaha i akciorki niamoha kino Rachili Michajłaŭny Mieserer. Dziadźkam Plisieckaj byŭ znakamity baletmajstar Asaf Mieserer. Bratami — baletmajstry Alaksandr i Azary Plisieckija. Kuzen — teatralny mastak Barys Mieserer.
U 1938 hodzie baćku Plisieckaj rasstralali saviety. Maci Plisieckaj vysłali ŭ Kazachstan u Akmalinski łahier žonak zdradnikaŭ Radzimy. Kab dziaŭčynku nie zabrali ŭ dziciačy dom, maleńkuju Majiu ŭdačaryła jaje ciotka pa matčynaj linii, baleryna, salistka Vialikaha teatra Sułamif Mieserer.
Plisieckaja nazaŭždy zapomniła tyja hady. U 1966 hodzie jana była ŭ liku 25 dziejačaŭ kultury, jakija nie pabajalisia padpisać kalektyŭny list Brežnievu suprać reabilitacyi Stalina.
U 1991 hodzie Plisieckaja i Ščadryn pryniali hramadzianstva Litvy. Adnak žyli jany pieravažna ŭ Hiermanii.
Cikava, što svaimi karaniami rod Plisieckich pachodziŭ ź Biełarusi.
Tančyła jana ŭnikalna: u jaje była dziŭnaja płastyka. Jana vydatna adčuvała muzyku i hłyboka pranikała ŭ vobraz svaich hierojaŭ. Jana była duchoŭna bahatym čałaviekam.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary