Na Džazavym viečary 13 červienia vystupić polskaja zorka Bieata Pšybytek

U subotu, 13 červienia na minskaj płoščy Svabody projdzie druhi dzień fiestyvalu «Džazavyja suboty la Ratušy». Adnym z vystupoŭcaŭ stanie zorka polskaha džazu Bieata Pšybytek. Pra jaje raspaviadaje Polski instytut u Minsku.

Jak prachodziŭ pieršy ŭ hetym hodzie džazavy viečar FOTA >>>

Pasłuchać Bieatu Pšybytek na Soundcloud >>>

Beata Pšybytek – vakalistka, pijanistka, kampazitar. Jaje hołas ličycca adnym z najbolš cikavych siarod džazavych vykanaŭcaŭ u Polščy. Atrymała prestyžnuju ŭznaharodu III Prahramy Polskaha Radyjo imia M. Śviancickaha «Mateuš Trujki 2013». Stypiendyjat Ministra kultury i nacyjanalnaj spadčyny RP, a taksama Staršyni Silezskaha Vajavodstva ŭ halinie kultury i mastactva. Vypusknica, a ciapier piedahoh Instytuta Džaza Akademii muzyki ŭ h. Katavice. Łaŭreat I miesca ŭ Konkursie 29-ch Mižnarodnych sustreč džazavych vakalistaŭ u h. Zamość. Za svaju vakalnuju karjeru vydała niekalki albomaŭ: «You Don't Know What Love Is» (2003), «The Island» (2004), «Wonderland» (2006), «I'm Gonna Rock You» (2012) i «Czemuż się dzisiaj weselić nie mamy» (2013). 

Śpiavačka supracoŭničała z takimi vybitnymi pradstaŭnikami džazavaj sceny, jak Jan Ptašyn Urubleŭski, Januš Muniak, Jarasłaŭ Śmiatana, Piotr Vajtasik, Biernard Masieli, Vojciech Karolak i Jazz Band Ball Orchestra.

Beata była zorkaj šmatlikich polskich i zamiežnych fiestyvalaŭ, takich jak Jazz Jamboree, Bielska Zadymka Jazzowa, letni džazavy fiestyval Piŭnicy pad Baranami, Mižnarodnyja Hłahoŭskija džazavyja sustrečy, Pamorskaja džazavaja vosień, Jazz Sessions u Hlivicach, Jazz Forum Jazz Festival, Jazz w Lesie, Baszta Jazz Festiwal, Podlasie Jazz Festival, Śvidnickija džazavyja nočy, Džaz na kanapie ŭ Aleśnicy, Zakapanskaja džazavaja viasna, Legnica Jazz Days, Jazz En Nord Jazz Festival — Francyja, Sibiu Jazz Festival, Ploiesti Hot Jazz Summit – Rumynija, International Jazz Piestany – Słavakija i h.d. Jaje sustrakali z avacyjami ŭ Polščy, Aŭstryi, Bielhii, Šviecyi, Hiermanii, Francyi, Rumynii, Słavakii.

«Na moj pohlad, ad časoŭ Uršuli Dudziak nie było ŭ Polščy nastolki vyraznaj i ekspresiŭnaj džazavaj śpiavački, — pisaŭ Andžej Chajnacki ŭ časopisie «Jazz Forum». — Akramia taho, styl i adcieńni hołasu, jakija prezientuje Beata, tak charakternyja dla niehrycianskich vakalistak, vydatna adroźnivajuć jaje siarod polskich džazavych vakalistak».

«Sapraŭdy niezvyčajny hołas. Nizki i mocny, ekspresiŭny, z chrypłavataj «čornaj» barvaj, — apisvaŭ śpiavačku Adam Paprava ŭ haziecie «Tygodnik Powszechny». Šyrokim dyjapazonam svaich naturalnych vakalnych mahčymaściej Beata Pšybytek apieryruje raznastajna i pradumana. U vyniku – džazavaje vykanańnie najvyšejšaj proby».

***

Praz tydzień, 20 červienia na apošnim u hetym hodzie džazavym viečary razam z Apple Tea zhraje «ikona brytanskaha džazu» pavodle viersii Time — saksafanist Denis Baptyst. Pačatak a 8-j hadzinie.

• 0
• 0
• 0
• 0
• 0
• 0
• 0
• 0