Miemaryjalny znak biełarusam, jakija zahinuli za Ukrainu, adkryty ŭ Kijevie
Na adkryćci pamiatnaha znaka na vulicy Biełaruskaj, 22 u Kijevie było bolš sotni čałaviek, u tym liku hanarovaja varta i vajskovy arkiestr.
Aficyjnaja cyrymonija pačałasia z vykanańnia himna «Mahutny Boža». U joj uziali ŭdzieł vałanciory, pabracimy biełarusaŭ, što zahinuli na Majdanie i na Danbasie, pradstaŭniki hramadskich arhanizacyjaŭ «Pravy siektar» i UNA-UNSO, a taksama žychary Kijeva.
Kamandzir taktyčnaj hrupy «Biełaruś», jakaja vajuje na Danbasie, Ihar padziakavaŭ ukrainskamu narodu i vałancioram za toje, što adznačyli takim čynam pamiać Alesia Čarkašyna, jahonaha pabracima Vitala Cielaženki i Michasia Žyźnieŭskaha:
Na pomniku źmieščanyja proźviščy zahinułych biełarusaŭ — Michaiła Žyźnieŭskaha, jaki zahinuŭ na Majdanie ad kuli snajpiera, a taksama Alesia Čarkašyna i Vitala Cielaženki, jakija vajavali ŭ składzie taktyčnaj hrupy «Biełaruś» i zahinuli ŭ Danieckaj vobłaści ŭ žniŭni 2015 hoda.
Pomnik vykanany ŭ kolerach nacyjanalnaha ściaha Biełarusi, ščyt upryhožvaje hierb «Pahonia». Aŭtar pomnika Hleb Hržaboŭski sam straciŭ syna padčas bajoŭ u Danieckim aeraporcie.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary