Kandydatka ad AHP: Kanapackaja vinavataja ŭ razvale pracy haradskoj partyjnaj arhanizacyi
Siabra Abjadnanaj hramadzianskaj partyi Volha Majorava zajaviła pra hatovaść vyjści z arhanizacyi, bo tam pryniali mandat deputatki Pałaty pradstaŭnikoŭ Hanny Kanapackaj, jakaja bałatavałasia ad partyi. Pra heta Majorava napisała na svajoj staroncy ŭ Fejsbuku.
«Ja, Volha Majorava, pasprabavała zrabić usio, kab praduchilić tuju hańbu, jakaja lahła na Abjadnanuju hramadzianskuju partyju i na mianie asabista ŭ vyniku zhody partyi pryniać mandat «deputata» «parłamienta» Hanny Kanapackaj. Hałoŭnaje pytańnie — jak možna adnačasova pryznavać vybary nielehitymnymi va ŭsioj krainie i rabić vyklučeńnie dla asobna ŭziataj akruhi? Nakont prostaha vykazvańnia salidarnaści ź inšymi čalcami partyi havorka ŭžo navat nie idzie», — piša Majorava.
Sa słovaŭ Majoravaj, jana zadavała adnapartyjcam inšyja pytańni: jak čałaviek, vinavaty ŭ razvale pracy haradskoj arhanizacyi AHP, spadziajecca supraćstajać usiamu praŭładnamu parłamientu, čamu fakty falsifikacyj na akruzie Kanapackaj pryznavalisia ŭ kamientarach, ale ž pry hetym partyja radujecca abrańniu svajoj kandydatki? Taksama Majoravu cikavić jak Hanna Kanapackaja budzie prasoŭvać idei partyi, kali na pieradvybarčym biłbordzie jana nie paznačyła ni svaju partyjnaść, ni spasyłku na prahramu «Miljon novych pracoŭnych miescaŭ».
25 vieraśnia AHP budzie padvodzić vyniki vybarčaj kampanii i Volha Majorava pradstavić svoj punkt hledžańnia i budzie patrabavać adkazu na svaje pytańni.
«Kali ja nie pačuju pierakanaŭčych adkazaŭ i nie sustrenu razumieńnia našaj pazicyi siarod kaleh pa partyi, to nie budu ŭ dalejšym ličyć dla siabie mahčymym być siabram partyi, jakaja prymaje takija rašeńni», — zajaŭlaje Volha Majorava.
Majorava bałatavałasia ŭ deputaty Pałaty pradstaŭnikoŭ pa 107-j Uschodniaj akruzie.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary