Siońnia, 12 śniežnia, u minskim kłubie «Hraj» partał Tuzin.fm spravić 13-hodździe i ŭručyć premiju «Hieroi hoda» za 2016-ty. Impreza pačniecca a 19-j hadzinie.
Premija ŭručajecca ŭ dźviuch naminacyjach — «Adkryćcio» i «Hieroi». Na zvańnie «Adkryćcio hodu» sioleta pretenduje dzieviać naminantaŭ — heta hurty Ferris Wheel, Intelligency,The Superbullz, Barrokka, SnopSnou, Sakramant, śpievaki Rej, Illa Falažynski dy bitmejkier Tony Fadd.
«Pry vybary naminantaŭ my ŭličvali jak aktualnaść dy aryhinalnaść tvorčaści, tak i aktyŭnaść vykanaŭcy, jakaja vyjaŭlajecca ŭ aŭdyjo- i videarelizach, aktyŭnaści ŭ sacsietkach, praryŭnych kancertach na Radzimie dy za miažoj», — tłumačyć kiraŭnik partała Tuzin.fm Siarhiej Budkin.
U naminacyi «Hieroi hodu» cioleta vosiem pretendentaŭ. Heta Irdorath, Brutto, «Stary Olsa», Re1ikt, Ciarhiej Doŭhušaŭ i Vuraj, Lavon Volski, Shuma, Dzieciuki.
Pieramožcy buduć nazvanyja na 13-hodździ partału Tuzin.fm, jakoje projdzie ŭ kłubie «Hraj» 12 śniežnia. Na kancercie ŭ hety dzień syhrajuć niekatoryja z naminantaŭ — Intelligency, SnopSnou, Vuraj. Arhanizatary papiaredžvajuć, što ŭ hety viečar mahčymyja siurpryzy.
Trek-list naminantaŭ na «Adkryćcio hodu»
Trek-list naminantaŭ na «Hierojaŭ hodu»
Daviedki pa telefonie +375 29 687-20-93.
Kvitki na SMSbilet.by i Bezkasira.by
Uvachod — 12 rubloŭ (papiarednie), 15 rubloŭ (u dzień)
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam1
Kamientary