Kamu vyhodna varušyć mumii?
Papularny brend musić być skarystany napoŭnicu.
Mumija: Hrabnica imperatara cmokaŭ (The Mummy: Tomb of the Dragon Emperor)
ZŠA – Niamieččyna – Kanada, 2008, kalarovy, 112 chv.
Režyser: Rob Koen
Roli vykonvajuć: Brendan Frejzer, Džet Li, Maryja Beła, Džon Hanna, Luk Ford, Izabeła Lan
Žanr: Pryhody
Adznaka: 5 (z 10)
Uładalubny kitajski imperatar, jaki prahnuŭ nieŭmiručaści, byŭ razam z armijaj začaravany pakryŭdžanaj viedźmaj. Praz tysiačahodździ niaŭrymślivaja siamiejka Konełaŭ abudziła mumiju imperatara i jahonych hlinianych vajaroŭ. Ciapier imperatar prahnie zavajavać uvieś śviet – i tolki daśviedčanyja zmahary z mumijami zdolnyja jaho spynić…
Pieršy raz pareštki mumii byli patryvožanyja ŭ 1932 hodzie, kali Barys Karłaf syhraŭ bieśśmiarotnaha faraona. Da siaredziny sarakavych studyja “Juniversał” stryhła kupony sa śviežaj kašmarnaj temy. Pad kaniec piacidziesiatych na mumijach zarablała hrošy brytanskaja kampanija “Chamer” – ale i jejny impet nia byŭ viečnym.
U 1999 hodzie halivudzki režyser Styven Somerz viarnuŭ mumiju ŭ šyroki prakat. Starachaludnaja istota mieła ašałamlalny pośpiech, dziakujučy vybitnym admysłovym efektam i daścipnamu humaru, jaki rabiŭ stužku prydatnaj dla ŭsioj siamji.
“Mumija: hrabnica imperatara cmokaŭ” – heta treciaja seryja apošnich pryhodaŭ (u 2002 hodzie “Mumija viartałasia”).
Jak i maje być sa stamlonymi handlovymi praciahami – kitajskaja mumija adroźnivajecca ad papiarednicaŭ u horšy bok. Kudyści źnik firmovy humar. Admysłovyja efekty – zvyčajnyja, halivudzkija – heta značyć z maštabam, ale biez ahańku (kali nie ličyć padpalenaha azadku adnaho niedareki). Bjucca pamiž saboj armii mierćviakoŭ, archieolahi na mašynach haniajucca za žyvymi mumijami.Imperatar kidajecca šaravymi małankami i pieraŭtvarajecca ŭ trochhałovaha cmoka, łasaha da maładzieńkich dziaŭčat.
Mužnyja hieroi pad achovaj kałmatych śniežnych ludziej rasstrelvajuć varažnieču, zavodziać amury ź bieśśmiarotnymi fejami i vanitujuć u samalocie, jaki ledźvie nie razvalvajecca ŭ pavietry.
Dla kitajcaŭ karcina – abraza, bo amerykancy ździekujucca ź pieršaha tamtejšaha imperatara Cy Šyń Chuandzi. Dla suśvietnaj papkornavaj publiki – lohkaja zabaŭka ŭ śpiakotny žnivieński dzień.
Brend mumii musić być skarystany napoŭnicu.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1717
Kamientary