Udzielnik pikieta za «ruski śviet» trahikamična trapiŭ na sutki — razam z demanstrantami z Dnia Voli
Alaksiej Hałavin paprasiŭ milicyjanta ŭ cyvilnym sfatahrafavać jaho kala Akademii navuk.
48-hadovy minčuk Alaksiej Hałavin, viadomy pa svaim udziele ŭ «pikiecie ŭ padtrymku Rasii», adpraviŭsia na sutki paśla Dnia Voli.
25 sakavika mužčyna — vypadkova ci nie — akazaŭsia ŭ centry horada razam ź siabram. Abodvuch zatrymali kala Akademii navuk kala 11 hadzin, pryčym pry trahikamičnych abstavinach.
Hałavin i jahony siabar vyrašyli sfatahrafavacca i paprasili minaka zrabić zdymak.
A toj akazaŭsia pieraapranutym milicyjantam — heta byŭ apierupaŭnavažany upraŭleńnia pa narkahandlu Spartak Śvistunoŭ, paviedamlajuć Naviny.by.
Spartak vyrašyŭ zatrymać siabroŭ.
27 sakavika sud Maskoŭskaha rajona vyrašyŭ, što Hałavin vinavaty — łajaŭsia matam. Vynik — 10 sutak administracyjnaha aryštu.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary