Namieśnik ministra zamiežnych spraŭ: Nie dumaju, što rasijskija vojski zastanucca ŭ Biełarusi
Namieśnik ministra zamiežnych spraŭ Biełarusi Aleh Kraŭčanka ŭziaŭ udzieł u dyskusii «Miž Uschodam i Zachadam: Biełaruś na skryžavańni». Jaje arhanizavaŭ u Vašynhtonie analityčny centr The Atlantic Council.
Aleh Kraŭčanka raskazaŭ, što na svaich sustrečach u Vašynhtonie budzie abmiarkoŭvać pytańnie viartańnia pasłoŭ ZŠA i Biełarusi ŭ adpaviednyja krainy. Adnak havaryŭ jon pra heta bieź vialikaha aptymizmu.
Adnosiny Biełarusi i Rasii Kraŭčanka paraŭnaŭ z adnosinami Kanady i ZŠA. Jon adstojvaŭ mierkavańnie, što šyrokija ekanamičnyja suviazi z Rasijaj niepaźbiežnyja i vyhadnyja dla Biełarusi.
Na pytańnie, ci niama niebiaśpieki taho, što rasijskija vojski zastanucca ŭ Biełarusi paśla vučeńniaŭ «Zachad-2017», adkaz namieśnika ministra byŭ taki: «Ja nie dumaju, što jany [rasijskija vojski] zastanucca. Heta rucinnyja, pieryjadyčnyja vučeńni, takija byli i raniej».
«Dla Rasii košt trymańnia vojskaŭ u Biełarusi našmat bolšy za vyhady», — takoje mierkavańnie vykazaŭ inšy ŭdzielnik dyskusii, biełaruski palitołah Jaŭhien Prejhierman.
«Heta było b hihanckaj stratehičnaj pamyłkaj Rasii, choć my viedajem, što jany takija pamyłki časam robiać», — adznačyŭ amierykanski ŭdzielnik dyskusii, prafiesar Univiersiteta Piensilvanii i dyrektar Biden Center for Diplomacy and Global Engagement Majkł Karpienter.
Ź biełaruskaha boku razam z Kraŭčankam i Prejhiermanam pryjechaŭ taksama kiraŭnik kampanii «Havary praŭdu» Andrej Dźmitryjeŭ.
«Jak i čakałasia, pierakonvali, što treba supracoŭničać i padtrymlivać Łukašenku, bo kali heta nie rabić, to pryjdzie Rasieja, — adznačaje ŭ siabie ŭ fejsbuku prysutny na dyskusii žurnalist Francišak Viačorka. — Chacia sam Kraŭčanka, naadvarot, aściarožna kazaŭ, što Rasieja nie pahroza, z Rasiejaj budziem siabravać niahledziačy ni na što. Na pytańni pra pasadki, razhony, raspravy dalikatna vykručvalisia. Kazali (nie Kraŭčanka), što, kali ŭvieści sankcyi, to mohuć razhaniać jašče bolš. Kazali, što ŚMI skažajuć infarmacyju, što jość vialiki prahres sa svabodami i demakratyjaj, što apazicyja słabaja i nie maje idejaŭ. Zała reahavała skieptyčna, niahledziačy na vialikuju kancentracyju miascovych łabistaŭ», — adznačaje Viačorka.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary