Jurysta Ihara Słučaka aburyŭ dopis, jaki žychar Rečycy pakinuŭ na staroncy haradskoj supołki «Ukantakcie» «Rečyca LIVE».
Ihar Słučak. Fota Siarhieja Hudzilina.
Historyja nie novaja, uźnikła jašče na chvali «Savuškavaha małaka» i «mołoka». U supołcy źjaviŭsia post z padrabiaznym apisańniem čarhovaha moŭnaha skandału — što adkul uziałosia i pry čym tut Hanna Bond. Haračaje abmierkavańnie situacyi ŭ kamientarach z vyśviatleńniem adnosinaŭ raściahnułasia až na try staronki.
Pryjšoŭ u abmierkavańnie i žychar Rečycy Jarasłaŭ Drahun, jaki vyrašyŭ jašče padvysić hradus. Nieviadoma tolki, ci viedaŭ jon, što sam stanie abjektam napadak.
Toj samy kamientar, ź jakoha ŭsio i pačałosia, užo vydaleny. Adnak zachavaŭsia skryn.
U zajavie ŭ Rečycki rajvykankam Słučak piša, što svaim dopisam kamientatar parušyŭ artykuł 9.22 «Parušeńnie zakanadaŭstva ab movach» Kodeksa ab administracyjnych pravaparušeńniach Biełarusi, pakolki ŭ im jon publična abraziŭ dziaržaŭnuju biełaruskuju movu.
Pry kancy žniŭnia Ihar atrymaŭ aficyjny adkaz, u jakim havorycca, što rajvykankam nakiravaŭ zapyty va ŭstanovy adukacyi i ekśpiertnyja ŭpraŭleńni, kab atrymać nieabchodnyja zaklučeńni.
Što cikava, u Rečycach padobny vypadak užo byŭ. U lutym miascovuju žycharku Jaŭhieniju Čaćviartnuju za anałahičny dopis pryciahnuli da adkaznaści. Tady rajvykankam vynies pastanovu ab administracyjnym spahnańni.
Ciapier čytajuć
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy14
Kamientary