Amal kožny miesiac biełaruskija dyzajniery vopratki i aksesuaraŭ prymajuć udzieł u minskich fešn-markietach. My naviedali čarhovy markiet i pahladzieli, što cikavaha prapanoŭvajuć nasić minčukam u hetym siezonie.
Cudoŭny varyjant dla tych, chto nie lubić nasić parason — stylny daždžavik ad dyzajnieraŭ z «LIMITEDMINSK».
A voś i biełaruskaja varyjacyja sioletniaha trendu z futram na abutku — valonki ad Kryściny Bacharavaj.
Kamizelka ŭ modnyja pałoski ad brenda «Heartiness» — pradstaŭnikoŭ ručnoha tkactva.
Harmaničnaje złučeńnie roznych faktur i materyjałaŭ u zavušnicach atrymlivajecca ŭ brenda aksesuaraŭ «Ptushka».
Niezvyčajnaje ŭpryhožvańnie ad Taćciany Sakovič ŭ vyhladzie «minskaj modnicy» adrazu čaplaje voka.
Biezumoŭna, lepšaje vyrašeńnie ad dyzajnierki Juli Babij dla tych, chto nie moža vyznačycca, jakaja kašula pasuje lepš — biełaja ci čyrvonaja.
Śmieły kalarovy mesendžar znajšoŭsia ŭ stvaralnicy jaskravych skuranych aksesuaraŭ pad brendam Vita Gordievska.
Sahrecca možna ŭ palito ź cikavym patčam ad Maryny Davydavaj.
U dziaŭčat «ZIBRA» ŭsie rečy vielmi niezvyčajnyja, ale ručnaja vyšyŭka hetaha sarafana pryciahnuła našuju ŭvahu bolš za ŭsio.
A voś zvańnie samaj niezvyčajnaj rečy na markiecie, pa našym mierkavańni, dastajecca zaplečniku-kašuli, jaki byŭ znojdzieny ŭ «Astra Design».
Nastupny fešn-markiet z udziełam biełaruskich dyzajnieraŭ adbudziecca ŭžo praź miesiac: 18-19 listapada. Mahčyma, i vy zmožacie adšukać tam niešta aryhinalnaje dla svajho harderoba.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu25
Kamientary