Minskija prahramisty stvaryli servis, što vyznačaje ŭsie biełaruskamoŭnyja miescy pablizu

Havorka pra novy sajt Say.by, što zapracavaŭ u listapadzie. U jaho jość i mabilnaje prykładańnie. Fiška ŭ tym, što hety servis adrazu pytajecca vašu hieałakacyju i prapanuje ŭsie miescy niepadaloku, jakija padtrymlivajuć biełaruskuju movu, dzie mohuć adkazać pa-biełarusku i dzie ščyra rady bačyć biełaruskamoŭnych. Kali vy nie chočacie zdavać prahramie svajo miescaznachodžańnie, to nie prablema, prosta tady vam daviadziecca šukać toje, što dla vas ciapier aktualna, uručnuju.

Akramia taho, tut paznačanyja miescy, dzie biełaruskamoŭnym naviednikam prapanujuć źnižki za movu. Hetyja punkty na mapie majuć dadatkovuju zoračku, tamu aryjentavacca vielmi prosta.

Ciapier na sajcie sabranyja amal 100 miescaŭ, dzie padtrymlivajuć biełaruskuju movu. Jany zručna padzielenyja na raździeły: ježa, paliva, adukacyja, aŭtatranspart, vydaviectvy i palihrafija, dom i pobyt, internet, finansy i vytvorčaść, turyzm i zabavy, pryhažość i zdaroŭje. Ale stvaralniki najpierš ciapier zacikaŭlenyja ŭ tym, kab raźvivać i nasyčać raździeł «Ježa». Bo dzie, jak ni ŭ kaviarni ci restaracyi, kancentrujucca ludzi.

Chto i jak usio heta prydumaŭ

Ruchavik Say.by — Alaksandr Šastakovič, ciapier jon pracuje kiraŭnikom adździełu pa raspracoŭcy prahramnaha zabieśpiačeńnia ŭ adnoj ź minskich IT-kampanij.

Pavialičyć

«Ja razmaŭlaju pa-biełarusku ŭžo dzieści hady čatyry. Ja zaŭsiody simpatyzavaŭ biełaruskaj movie i ličyŭ, što ludzi, jakija razmaŭlajuć pa-biełarusku, kłasnyja — kaža Alaksandr. — Ja žyvu pa pryncypie, što treba ŭvieś čas pracavać nad saboj. A heta ŭ tym liku i pierachod na biełaruskuju movu. Było nie vielmi prosta, ale ja rabiŭ heta paetapna. Spačatku my pačali razmaŭlać u siamji, kab krychu patreniravacca, a potym pryznačyli sabie datu, kali całkam piarojdziem na biełaruskuju movu».

Ideja stvaryć sajt, dzie byli b sabranyja vyklučna tyja miescy, jakija padtrymlivajuć biełaruskuju movu, pryjšła Alaksandru try hady tamu, kali kampanija «A-100» pierajšła na jaje całkam.

«U mianie daŭno byŭ sajt z katałoham pradpryjemstvaŭ, ja stvaraŭ jaho ŭ jakaści dypłomnaj pracy ŭ 2005 hodzie, — raspaviadaje Alaksandr. — Hety sajt byŭ biełaruskamoŭny, na im štodzień rehistravałasia dzieści pa piać kampanij, ale nijakaha filtru adnosna movy nie było. Ja spačatku dumaŭ dapracavać sajt tak, kab rehistravacca na im mahli tolki tyja kampanii, jakija padtrymlivajuć biełaruskuju. Ale zrazumieŭ, što treba šmat što pravić, bo technałohii syšli daloka napierad, i pačaŭ rabić usio pa novaj».

Paśla da Alaksandra dałučyŭsia jaho były kaleha Michaił Kaściukovič, što zachapiŭsia idejaj i zachacieŭ napisać dla sajta mabilnaje prykładańnie. Potym — Jury Śmirnoŭ, što ŭziaŭsia sprahramavać, jak budzie pracavać funkcyja hieałakacyi.

«Bližej da zapusku my pabačyli, što zapuściŭsia anałahičny servis Nabyvaj.by, nad jakim pracavali Aleś Łahviniec i Piatro Markiełaŭ. My prapanavali im abjadnacca, stali adnoj kamandaj. Niadaŭna da nas dałučyłasia vybitnaja dyzajnierka Kacia Šaviel, stali prychodzić ludzi, hatovyja być pieramoŭcami i razmaŭlać z kampanijami, — praciahvaje Alaksandr. — Maja maci dapamahaje, jana damaŭlajecca z roznymi miescami. My ž i nie palityčnyja, i nie kamiercyjnyja, naša misija bolš kulturnickaja. Ale kali ja kudyści telefanuju, dzie rašeńnie prymaje chtości bolš stałaha pakaleńnia, jon nie zaŭsiody moža mianie pravilna zrazumieć. U adroźnieńni ad majoj maci Volhi Vasiljeŭny, jakaja razmaŭlaje ź im na adnoj movie».

Jak kamanda Say.by biełarusizuje kampanii

Pavialičyć

Heta najpierš zadača tych samych pieramoŭcaŭ, jakija prychodziać albo telefanujuć u kaviarniu, restaracyju ci jašče kudyści i prapanujuć im absłuhoŭvać biełaruskamoŭnych klijentaŭ pa-biełarusku. Pakolki mini-razmoŭnik užo raspracavany, zrabić heta pry žadańni nie ciažka. Zatoje tady hetaje miesca traplaje na sajt i prykładańnie Say.by i, adpaviedna, moža pašyryć svaju aŭdytoryju.

Pieramoŭcaŭ na dadzienym etapie inicyjatyvie vielmi nie staje, asabliva nie ŭ stalicy. Hetyja ludzi ciapier vielmi patrebnyja. Treba dadać, što ŭsia kamanda pracuje całkam biaspłatna, za ideju, robiać jany heta ŭ volny ad asnoŭnaj pracy čas.

Schiema pieramoŭ z pradstaŭnikami biznesu ŭžo raspracavanaja, zastajecca tolki brać i karystacca.

Alaksandr kaža, što nie ŭsie pieramovy zakančvajucca paśpiachova. Časam z adnym administrataram damoviacca, a druhi pra toje ni snom ni ducham. Ale z takimi miescami kamanda praciahvaje pracavać.

«Taja ž restaracyja — heta nie adzin čałaviek. Heta niekalki źmien aficyjantaŭ, administrataraŭ i hetak dalej. Usio vielmi zaležyć ad ludziej. Niekatoryja miescy ŭžo sami rabili sproby pierajści na biełaruskuju movu, ale heta ŭ ich, naprykład, nie atrymałasia ci atrymałasia častkova, — tłumačyć Alaksandr. — Ale niekatoryja miescy, da prykładu, «Kuchmistr», «Łaŭka», «Depo», sami raspracoŭvali razmoŭniki. Ciapier svoj razmoŭnik choča zrabić i «Hraj»».

Stać častkaj kamandy Say.by

• 0
• 0
• 0
• 0
• 0
• 0
• 0
• 0