Cyrulnik Pavieł Vinahradaŭ: Nie kožny, chto chodzić z načosam, za Łukašenku. Ale kožny, chto padtrymlivaje jaho, nosić načos
Repartaž fatohrafa «Našaj Nivy» Siarhieja Hudzilina z źjezda «Biełaj Rusi» narabiŭ šmat šumu. U internecie aktyŭna abmiarkoŭvali pryčoski pradstaŭnic uładnaj viertykali, tak zvanyja načosy. Pra słavutuju pryčosku i jaje sacyjalnuju značnaść my raspytali ŭ cyrulnika i palityčnaha aktyvista Paŭła Vinahradava.
«Kali ja jašče vučyŭsia ŭ cyrulnickaj vučelni, u nas niekatoryja pryčoski nazyvali pa-asablivamu. Naprykład, kali ŭ chłopcaŭ pastryžana ŭsio koratka pad 6 milimietraŭ i tolki śpieradu zastajecca zabaŭny čubok, to ŭ nas heta nazyvałasia «Barysaŭ». Pa niejkaj nievierahodnaj pryčynie ŭsie mužčyny, jakija pryjazdžali z Barysava, chadzili z takim čubam.
Što tyčycca tych samych načosaŭ, jakija horača i impetna abmiarkoŭvajuć ciapier, to jany nazyvalisia «buchhałtarka z harvykankama». Znoŭku ž pa niejkim supadzieńni ŭ ich va ŭsich byli adnolkavyja pryčoski.
Na samaj spravie hetyja pryčoski źjaŭlajucca nie sami saboj. Jany biarucca z tvajoj hałavy. U tvajoj hałavie takoje — i ty robiš hetki načos. Abmiarkoŭvajuć źniešnaść ludziej — nie vielmi etyčnaja reč, ale mianie ŭ asablivaj etyčnaści nichto i nie papraknie, — razvažaje Pavieł Vinahradaŭ. —
Ja vyvieŭ dla siabie nastupnuju formułu: nie kožny, chto nosić načos, padtrymlivaje Łukašenku, ale kožny, chto padtrymlivaje jaho, nosić načos.
Sama hetaja stryžka dastatkova składanaja. Ja absalutna ŭpeŭnieny, što hetyja ciotki chadzili ŭ cyrulniu rabić načosy, samastojna zrabić jaje dastatkova składana. Mahčyma, ale ciažka. Heta moda ludziej peŭnaha uzrostu, prafiesii i pohladaŭ. Milicyjanieraŭ, vajskoŭcaŭ i kadebistaŭ taksama možna vyznačyć pa pryčoscy i maniery apranacca. Hetak ža i z hetymi žančynami.
Asabista ja bolš rady tym pryčoskam, jakija bolš prostyja i naturalnyja. Nu maksimum, maksimum (!), jak u toj ciotački [Taćciana Padalak — «NN»], jakaja nibyta zavaliła na ekzamienie staršyńku «Moładzi BNF» Hannu Śmilevič. U jaje taki lohki efiekt mokrych vałasoŭ. Dla hetaha ŭzrostu i hetaha vidu zaniatkaŭ takaja pryčoska — ahoń!
Načos u vas nie na hałavie, a ŭ hałavie, jak i kryzis».
***
Na telehram-kanał «Našaj Nivy» možna padpisacca tut.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury1
Kamientary