Minski prahramist achviaravaŭ na praviadzieńnie Dnia Voli 2500 rubloŭ
Supracoŭnik minskaj IT-kampanii Uładź Čačotkin pieraličyŭ na praviadzieńnie Dnia Voli 2500 rubloŭ. Pra heta paviedamiŭ adzin z arhanizataraŭ jubilejnaha kancerta Pavieł Biełavus.
Usiaho ŭ miežach kraŭd-kampanii na siońnia sabrana 42% ad zapłanavanaj sumy. Padtrymać spravu rublom možna praz płatformu «Tałaka».
Jość papiaredniaja damoŭlenaść na scenu, huk, ekrany, śviatło dy inšaje patrebnaje dla śviata abstalavańnie, raskazaŭ Biełavus. Pavodle jahonych słoŭ, u arhanizataraŭ jość žadańnie ŭbačyć na scenie hurty The Superbullz, Krama, Dzieciuki, Akute, Znich, Daj Darohu, Neuro Dubel, Lavona Volskaha, Siarhieja Michałka. «Hałoŭnaja ŭmova bolšaści muzykaŭ — kab muzyčnaje śviata nie pieratvaryłasia ŭ palityčnuju akcyju», — pryznaŭ Biełavus.
Inšaja pazityŭnaja navina: na finalnuju stadyju vyjšła ŭzhadnieńnie raźmiaščeńnie miemaryjalnaj šyldy na domie pa adrasie vulica Vaładarskaha, 9, dzie adbyłosia abviaščeńnie niezaležnaści Biełaruskaj Narodnaj Respubliki.
Pačaŭ pracu tematyčny sajt bnr100.by z aktualnymi navinami kampanii dy afišaj mierapryjemstvaŭ da 100-hodździa BNR u roznych kutkach Biełarusi i śvietu. Tam možna prapanoŭvać i svaje varyjanty.
Rada Biełaruskaj Narodnaj Respubliki - Rada BNR, u svaju čarhu, vyłučyła srodki na vypusk raznastajnaj proma-pradukcyi dla biaspłatnaha raspaŭsiudu ŭ miežach śviatkavańnia.
Zapuščanyja ŭ vytvorčaść paštoŭki, nalepki, płakaty, humavyja braślety, znački ź simvolikaj #BNR100. Padać zajaŭku na raspaŭsiud ci atrymańnie hetaj pradukcyi dla svajoj arhanizacyi pakul možna praz kramu symbal.by.
Nu i apošniaje. Siarhiej Doŭhušaŭ pačaŭ u Prazie zapis z arkiestram fanahram dvuch himnaŭ «My vyjdziem ščylnymi radami» i «Pahonia», pad jakija ludzi 25 Sakavika razam buduć śpiavać.
-
Pa viartańni z Polščy aryštavali byłoha supracoŭnika KDB. Jaho abvinavačvajuć u «zdradzie dziaržavie»
-
U Hiermanii zabrali dapamohu ŭ biełaruski, jakaja syšłasia z haspadarom zdymnaj kvatery. Danos napisaŭ jaje źnikły bieź viestak muž
-
U Biełarusi vyznačyli try placoŭki dla mohilnika radyjoaktyŭnych adkidaŭ
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič11
Kamientary