Kiraŭnica Belarus Fashion Week raskazała, jakich siurpryzaŭ čakać ad vosieńskaha tydnia mody

Napiaredadni my pahutaryli ź jaho kiraŭnicaj, Janinaj Hančarovaj, pra toje, čaho čakać ad listapadaŭskaha šou.

Pavialičyć

«Samaje hałoŭnaje adroźnieńnie 17-ha siezona — heta raskład. My raździalili pakazy i adukacyjnuju prahramu». 

Belarus Fashion Forum — adukacyjnaja prahrama, jana adbudziecca 16—17 listapada. Siarod śpikieraŭ buduć pradstaŭniki jeŭrapiejskaj modnaj industryi. Naprykład, Matea Bardzi, art-dyrektar Green Carpet, Kidest Tekłu, supracoŭnik pa prahramach u siektary bavoŭny, tekstylu i adzieńnia ŭ Mižnarodnym handlovym centry, Simona Iranika, akademik z doktarskaj stupieńniu ŭ halinie markietynhu, Džulis Forha, stylist, i mnohija inšyja. 

U dni ž asnoŭnych pakazaŭ na podyum, akramia biełaruskich dyzajnieraŭ, vyjduć i zamiežnyja. Siarod ich Marco Rambaldi ź Italii, MALE-ME z Polščy, Nariman Grigoryan z Uźbiekistana.

«Ź biełaruskich udzielnikaŭ ja adznaču Vitalinu Hardzijeŭskuju, jakaja viadomaja jak aŭtarka i dyzajnierka skuranych aksesuaraŭ. U hetym siezonie my pabačym pieršuju kalekcyju adzieńnia ad Vitaliny. Taksama b ja adznačyła i Taćcianu Jafremavu. Jana ŭdzielničaje ŭ Tydni mody z časoŭ jaho zasnavańnia, pačynajučy ad 2010 hoda. Taćciana — maci čaćviarych dziaciej, i pry hetym jana dyzajnier, jaki ŭvieś čas fantanuje tvorčymi idejami, rychtuje jarkija i zapaminalnyja kalekcyi z naturalnaha futra».

«Ja tru, ty treš», «los skłaŬsia tak»: intervju z dyzajnierkaj Kaciaj Cikota, jakaja prydumlaje chulihanistyja prynty pa-biełarusku

«Nina»: Što naohuł zaraz adbyvajecca ŭ biełaruskaj industryi mody. Vašaje mierkavańnie? 

JAH: Ja naziraju stanoŭčuju tendencyju. Ludzi stali ŭsprymać modu jak važnuju častku lohkaj pramysłovaści, ekanomiki, kultury. Moda dapamahaje prasoŭvać sacyjalnyja temy. Pastupova my pazbaŭlajemsia ad stereatypnaha ŭsprymańnia industryi mody jak sinonima industryi zabaŭ. Heta biznes dla ŭsich: fatohrafaŭ, stylistaŭ, madelaŭ, dyzajnieraŭ. My ŭ svaju čarhu sapraŭdy pakazali, što vialikaja kolkaść ludziej moža zarablać u śfiery mody. Z boku tych, chto pretenduje na imia dyzajniera, na žal, jašče niama ŭsieahulnaha razumieńnia, što farmat atelje nie daje tvorčaha raźvićcia, a pryznańnie patrabuje časavych i finansavych vydatkaŭ. Biełaruskaja pałata mody jakraz i sprabuje pierałamać hetuju situacyju i dapamahaje biełaruskim dyzajnieram znajści lepšy varyjant dla siabie.

Pavialičyć

«Nina»: Ci adčuvajecie vy cikaŭnaść da biełaruskich dyzajnieraŭ z boku zamiežnikaŭ?

JAH: U jakaści prykładu pryviadu našu pajezdku ŭ Bierlin. U lipieni my jeździli z hrupaj takich brendaŭ, jak Mark Formelle, Lakbi, NELVA, Alona Hareckaja, Condra, Prestige Moda, EMSE, T. Efremova. U prahramie było naviedvańnie placoŭki Mercedes Benz Fashion Week, vystaŭ Premium Exhibition i Panorama, Show and Order, śpiecyjalizavanych ustanoŭ adukacyi. A ŭ vieraśni była nie mienš nasyčanaja pajezdka ŭ Miłan. Usiudy my adznačali vialikuju cikavaść da našych dyzajnieraŭ, vysokuju acenku kreatyvu i jakaści, žadańnie supracoŭničać i pradstaŭlać ich vyraby na mižnarodnych forumach i vystavach. My ciapier aktyŭna pracujem nad raźvićciom hetych kamunikacyj. Hałoŭnaje, kab u našych dyzajnieraŭ było realnaje žadańnie stvaryć modny brend, a nie vydavać asabistaje chobi za biznes.

U Minsku prezientavali kalekcyju adzieńnia, natchnionuju tvorami Jazepa Drazdoviča

«Nina»: Čamu simvał sioletniaha BFW — harłačyk?

JAH: Napiaredadni imidžavaj zdymki my z kamandaj «Biełaruskaj pałaty mody» praviali tymbiłdynh-spłaŭ na bajdarkach pa race Śvisłač. Mienavita padčas spłavu my zładzili mazhavy šturm nakont taho, jakim budzie novy siezon Tydnia mody. Dla nas heta nie tolki praca, dla nas heta padzieja, śviata, jakoje my sami čakajem i vielmi lubim. My ŭbačyli na race kvitniejučyja harłačyki — i režysiorskaja dumka paniesłasia. Ale raz vykarystoŭvać žyvuju kvietku ŭ zdymcy nielha, bo jana zaniesienaja ŭ Čyrvonuju knihu, to my vyrašyli pryciahnuć dyzajnierku hałaŭnych uboraŭ Marynu Skraboŭskuju.

Pavialičyć

Jana i stvaryła hety hibryd z šapački dla płavańnia i vianok z harłačykaŭ. Atrymałasia, pa-mojmu, kruta! Ale heta tema tolki ciapierašniaha siezonu. Asnoŭny znak Belarus Fashion Week niaźmienny — pivoniepadobnaja ruža.

Kazačnaje adzieńnie biełaruskaj dyzajnierki, rasfarbavanaje z dapamohaj karanioŭ, jahad i nasieńnia FOTY

«Nina»: Jak vy staviciesia da takoj źjavy, jak bodzipazityŭ ci ejdžyzm? Ci jość miesca niestandartnym madelam na podyumach BFW?

JAH: Čamu ž nie? U minułym siezonie ŭ pakazie Natalli Hajdaržy brali ŭdzieł madeli plus size. Toj ža Marka Rambaldi rehularna pryciahvaje dla pracy ŭzrostavych madelaŭ. Nie vyklučeńniem stanie i hety pakaz u Minsku. Samaje hałoŭnaje — heta raŭnavaha i adsutnaść dyskryminacyi toj ci inšaj hrupy prafiesijanałaŭ.

Heta značyć taksama, što nielha, kab dahadzić trendam na bodzipazityŭ abo baraćbu z ejdžyzmam uščamlać dyzajnieraŭ, jakija pryvykli prezientavać svajo adzieńnie na maładych subtylnych madelach.

«Nina»: Ci mahli b vy siońnia sama vyjści na podyum? I jaki heta pavinien być dyzajnier?

JAH: Darohu maładym! Viadoma, mahu vyratavać situacyju, kali ŭ hetym budzie vostraja nieabchodnaść. Maje paramietry dazvalajuć apranać podyumnyja ŭbory. U maim žyćci ŭžo byŭ madelinh, i ad jaho ja atrymała ŭsio — zadavalnieńnie asabistych ambicyj, umieńnie siabie prezientavać. Ciapier heta ŭžo nie śfiera maich intaresaŭ. Jość šmat junych panienak, jakija marać pra karjeru madeli, hatovyja na mnohija achviary dziela jaje. Usiamu svoj čas.

«Nina»: Ci zdarałasia, što vy sami rasčaroŭvalisia ŭ tym, što robicie?

JAH: Mnie padabacca taja śfiera, jakoj ja zajmajusia, — moda. Ale nielha błytać nazapašanuju stomlenaść z rasčaravańniem. U junactvie ja była ŭsprymalnaja da lubych niehatyŭnych vykazvańniaŭ u adras majho prajekta i asabista pra mianie. Ale potym pryjšło razumieńnie, što kanstruktyvu ŭ bolšaści padobnaj krytyki niama, vykazvajuć jaje ludzi, jakija nie majuć aŭtarytetu i dośviedu pracy ŭ modzie. A kali mnie patrebnaja parada ci dapamoha, ja źviartajusia da prafiesijanałaŭ asabista.

Čytajcie taksama:

Łuki i tvary Tydnia biełaruskaj mody FOTY

Kurynyja jajki i paštovyja skryni — biełaruskaje adzieńnie ź viaskovym kałarytam

• 0
• 0
• 0
• 0
• 0
• 0
• 0
• 0