Jarmošyna: Katedž u Drazdach vielmi doraha abychodzicca, heta darahaja cacka
Staršynia CVK Lidzija Jarmošyna ŭ intervju Jeŭraradyjo patłumačyła, čamu aburyłasia publikacyjaj fota jaje doma ŭ Drazdach.
«Kali b heta datyčyła kvatery ŭ šmatkvaternym domie, to nie było b ničoha strašnaha, — kaža jana. — Ale damy sfatahrafavanyja — heta ŭžo vielmi asabistaja infarmacyja. A raźmiaščeńnie infarmacyi ŭpłyvaje na biaśpieku žyćcia tych, chto žyvie ŭ hetym domie. Heta toje samaje jak staronka pašpartu z prapiskaj… Ja liču, što takija rečy pavinny być sa zhody».
Z dapamohaj fota, kaža staršynia CVK, «vyličyć, dzie žyvie Jarmošyna… vielmi lohka». «Mienavita tamu ja aburyłasia, a nie tamu, što sprabuju niešta schavać», — adznačyła Lidzija Michajłaŭna.
Jarmošyna pryznaje, što «katedž vielmi doraha abychodzicca, jak i luby dom», jon źjaŭlajecca «darahoj cackaj». Pakul u jaje jość zarobak, ale ŭžo chutka jana vyjdzie na piensiju. Što tady? «U mianie niakiepskaja piensija. Kali mnie stanie nie pa kišeni, budu vyrašać pytańnie pa źmienie žylla», — havoryć Lidzija Jarmošyna.
Staršynia CVK, darečy, źbirajecca na adpačynak u Kalininhrad. Jana ŭžo zabraniravała numar u haścinicy na bierazie mora ŭ nievialikim haradku.
Čytajcie:
Historyja ŭźlotu babrujskaj jurystki Lidzii Jarmošynaj
Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3434
Kamientary