Pahonia, Vitaŭt, Šahał, Bykaŭ. Vy nie pavierycie, ale ŭsio heta było na adkryćci Jeŭrapiejskich hulniaŭ VIDEA
Na stadyjonie «Dynama» ŭ Minsku prajšło aficyjnaje adkryćcio II Jeŭrapiejskich hulniaŭ.
Maštabnaje šou było paklikanaje adlustravać biełaruskija tradycyi, kaštoŭnaści i historyju.
Tamu na scenu vychodzili tancory, stylizavanyja pad piersanažaŭ batlejki. Ažyli kaściumy Baksta i karciny Šahała — usie hetyja miłyja zakachanyja i kazły. Była svaja celnaść u hetaj eklektycy: usio pačałosia ź pieśni Pachmutavaj «Mołodosť moja, Biełoruśsija», a paśla byli i biełaruskija etna-śpievy, i Hanna Niatrebka ź Iharam Krutym.
Žares Ałfioraŭ źmianiaŭ Vitaŭta i rycaraŭ Vialikaha Kniastva z kalumnami i Pahoniami.
Byli Usiasłaŭ Połacki i prasłaŭlenyja niadaŭniaj znachodkaj šlemy, Leŭ Sapieha sa Statutam VKŁ i inžynier Kazimir Siemianovič, Jefrasińnia Połackaja i avijakanstruktar Suchoj.
Usio heta supravadžałasia dekłamacyjaj składanych vieršaŭ — u tym liku «Spadčyny» Kupały, «Usie my razam lacim da zor» Bahdanoviča, a taksama Adama Mickieviča.
Adnym z režysioraŭ cyrymonii adkryćcia staŭ biełarus Alaksandr Vaviłaŭ. Jon padrychtavaŭ asnovu, ź jakoj paźniej pracavali rasijanie z kampanii kampazitara Ihara Krutoha, jakaja vyjhrała tendar. Cyrymonija składałasia ź siami epizodaŭ, kožny ź jakich byŭ pryśviečany siužetu z historyi i kultury Biełarusi: Kupallu, Siaredniaviečču, sučasnaści i hetak dalej.
A televiadoŭca z honaram raskazaŭ, što ŭ časy Vitaŭta naša dziaržava praścirałasia ad mora da mora i ad Buha da Uhry.
Śpiavali biełaruskija muzyčnyja zorki — ad «Trojcy» da opiernych zorak Silčukova i Laŭčuk.
Varta adznačyć, što ŭvohule adkryćcio atrymałasia vielmi biełarusacentryčnym, raźličanym na ŭzmacnieńnie honaru za Biełaruś.
Niby finalnaj kropkaj stała ŭvasoblenaje na ručniku vykazvańnie Vasila Bykava z «Sotnikava»: «Adzinaja realnaja kaštoŭnaść u čałavieka na śviecie — jaho žyćcio».
Z hetym humanistyčnym matyvam pierahukalisia słovy Alaksandra Łukašenki ŭ jahonym vystupie pierad tym jak zapalili Ahoń hulniaŭ. Jon zaklikaŭ, kab dziaržavy vyznačyli samuju mahutnuju vyklučna na spartovych arenach.
Prezident Jeŭrapiejskich alimpijskich kamitetaŭ Janiez Kačyjančyč vystupiŭ pa-biełarusku, čym sarvaŭ avacyju trybun. A vynieśli alimpijski ściah i zapalili ahoń — u vyhladzie Paparać-kvietki — vialikija biełaruskija spartoŭcy minułych hadoŭ.
Apytanka
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary