Chłopiec z-pad Šarkaŭščyny pakinuŭ u spakoi santechniku — jakuju raniej mietadyčna kraŭ, — pajšoŭ u aŭtamatčyki i ŭrešcie zhinuŭ pad Kupianskam
Alaksandr Skurat naradziŭsia na Šarkaŭščynie, u vioscy Boŭkały, niedaloka ad vioski Stalica, adkul rodam staršynia Pałaty pradstaŭnikoŭ Ihar Sierhiejenka. Alo los Skurata skłaŭsia inačaj — jon skłaŭ hałavu, vajujučy za Pucina.
Jak stała viadoma «Našaj Nivie», jašče adzin biełarus pryznany «źnikłym bieź źviestak» paśla niaŭdałaha šturmu ŭkrainskich pazicyj pad Kupianskam u listapadzie 2025.
Heta na toj momant 34‑hadovy Alaksandr Skurat ź vioski Boŭkały Šarkaŭščynskaha rajona.
Skurat nie mieŭ navat siarednieśpiecyjalnaj adukacyi i pa žyćci kiravaŭsia tolki viedami, atrymanymi ŭ siaredniaj škole.
Da 2013 hoda jon spakojna pracavaŭ roznarabočym u Šarkaŭščynskim ahraservisie i paralelna šukaŭ inšyja mahčymaści padzarabić. Znajšoŭ ich prosta ŭ svajoj vioscy: u 2013 hodzie, pa dadzienych Belpol, skraŭ sa śvidraviny ŭ Boŭkałach čatyry mietaličnyja truby i zdaŭ ich u łom. A ŭ 2016 hodzie — znoŭ u svajoj ža vioscy — zalez u chatu da susieda i ściahnuŭ adtul aciaplalny kacioł.
Z raboty Skurata zvolnili paśla pieršaj ža sudzimaści, bolš aficyjnych zapisaŭ ab pracaŭładkavańni niama.
Žyvučy ŭ chraničnaj niastačy hrošaj, Skurat, pa słovach znajomych, ubačyŭ mahčymaść chutka i šmat zarabić, zapisaŭšysia ŭ rasijskaje vojska. U vyniku ź listapada 2025 jon nazaŭsiody pierastaŭ zachodzić u sacsietki i adkazvać svajakam. Pierad tym dasłaŭ im fota svajho padraździaleńnia, ź jakim pajšoŭ šturmavać viosku pad Kupianskam.
Kamientary