Abjava ab zdačy žylla ŭ stalicy prymusiła mnohich biełarusaŭ schapicca za hałavu.
U Threads zavirusiłasia abjava ab arendzie kvatery ŭ Minsku. Usia sprava ŭ ceńniku — 15 000 rubloŭ, abo krychu bolš za 5300 dalaraŭ u miesiac, piša Tochka.by.
Niekatoryja karystalniki navat vyrašyli, što aŭtar pasta vypadkova dadaŭ lišni nul, ale nie.
Havorka idzie pra čatyrochpakajovyja apartamienty na vulicy Staražoŭskaj (heta — «Dom Čyža»). Ahulnaja płošča žylla składaje 207 m².
Unutry — try asobnyja spalni, prastornaja haścioŭnia i panaramny vid na Śvisłač z 11‑ha paviercha.
Ale sapraŭdnaja razynka — kolkaść sanvuzłoŭ. U abjavie paznačana, što ŭłasnaja prybiralnia jość u kožnaj spalni. Akramia taho, jašče adzin praduhledžany dla haściej.
Miarkujučy pa fotazdymkach, interjer vykanany ŭ sučasnym premijalnym styli: darahoje azdableńnie, dyzajnierskija śviacilni i mebla. Karaciej kažučy, heta varyjant vidavočna nie dla tych, chto šukaje adnapakajovuju kvateru kala mietro.
Abjava chutka sabrała dziasiatki kamientaryjaŭ. Niekatoryja karystalniki pryznalisia, što navat nie padazravali pra isnavańnie takich koštaŭ na arendu ŭ Minsku.
Inšyja pačali paraŭnoŭvać kvateru z zamiežnaj nieruchomaściu. Pavodle słoŭ kamientataraŭ, za takija hrošy, a časam i tańniej, možna arandavać raskošnuju viłu dzieści na marskim uźbiarežžy.
Adnak bolšaść biełarusaŭ adreahavała na abjavu z humaram. Voś niekalki samych viasiołych kamientaryjaŭ:
- «Pa siekundach zdajecie?»
- «Na 15 chvilin z zarpłaty vaźmu!»
- «A studentam možna?»
- «Pryjemna, što ja źjaŭlajusia metavaj aŭdytoryjaj hetaha pasta. Choć na siekundu adčuła siabie bahataj».
- «Za takija hrošy ahlad kvatery pavinien zdymać Śpiłbierh».
- «Mabyć, lišni nulik».
- «Vy na kłavijaturu sieli?»
- «Napeŭna, tudy možna zasialicca razam z zubram».
- «Terminova šukaju 10—15 čałaviek dla sumiesnaha pražyvańnia».
-
Historyja viartańnia biełarusam zakładu za arendu kvatery ŭ Varšavie šakavała sacsietki — «adna na miljon»
-
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
-
Były vice-premjer z urada Rumasa čaćviorty hod nie moža pradać katedž u Drazdach. Ale canu padnimaje
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary