Na śmiećcievym palihonie prajšoŭ modny pakaz — sielebryci vyjšli na podyum z avośkami
Pobač sa śmiećcievym palihonam «Traścianiecki» prajšoŭ niezvyčajny modny pakaz. Kab źviarnuć uvahu na prablemu płastykavych adchodaŭ, madeli — siarod ich byli himnastka Mielicina Staniuta, mis śvietu na vazku Alaksandra Čyčykava i televiadučaja Volha Ryžykava — vyjšli na podyum z avośkami.
Akcyju arhanizavali Apieratar druhasnych materyjalnych resursaŭ i ruch za pierapracoŭku adkidaŭ «Meta 99» razam ź Biełaruskaj pałataj mody. Siarod dyzajnieraŭ, jakija sabrali fashion-vobrazy dla pakazu na palihonie, — Historia Naturalis, Candy Lady, NELVA, Alena Goretskaya, Maks Mironaŭ i inšyja.
Mierapryjemstva prachodziła na terytoryi śmiećciesartavalnaha zavoda, jaki dapamahaje pieratvarać vykarystanuju płastykavuju ŭpakoŭku ŭ futbolnuju formu, sadovuju meblu i inšyja karysnyja rečy. Dekaracyi dla pakazu zrabili z adabranych i spresavanych na hetym zavodzie płastykavych butelek, pakietaŭ i aluminijevych blašanak. Usia ŭpakoŭka paźniej źjedzie na pierapracoŭčyja pradpryjemstvy, kab u vyniku pieratvarycca ŭ štości karysnaje.
U miežach kampanii «Pakied, pakiet!» prachodziać ekskursii na śmiećciesartavalny zavod i adziny dziejučy palihon, dzie zachoŭvajuć bytavyja adchody minčan. Pieršaja ekskursija dla ŭsich achvotnych adbyłasia 29 červienia, na jaje arhanizatary zaprasili 40 samych matyvavanych aŭtaraŭ zajavak.
Jašče adna pajezdka zapłanavana na subotu, 6 lipienia. Zajaŭku moža padać kožny, ale hetym razam pieravaha budzie addavacca baćkam ź dziećmi, kab farmiravać zvyčku śviadomaha spažyvańnia z rańniaha ŭzrostu.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary