Paśla pryznańnia brenda Belaruskicry ekstremisckim jaho vyraby płahijaciać inšyja juvieliry ź Minska FOTY
Raniej minski brend All bling vypuskaŭ padvieski «po*uj» i «skuf», a ciapier sprabuje zrabić kasu na paznavalnym čužym dyzajnie ź biełaruskimi słovami.
U lipieni prajekt ź juvielirnymi ŭpryhožańniami Belaruskicry byŭ pryznany ekstremisckim farmavańniem i syšoŭ ź biełaruskaha rynku. Da taho ž byŭ zatrymany dyrektar pa vytvorčaści Jahor Bužyłaŭ. Pakul u adnych biznes byŭ razburany, inšyja vyrašyli nažycca na ŭžo papularnym dyzajnie — tak, pad brendam All bling stali pradavacca amal identyčnyja padvieski.
All bling majuć juvielirnuju majsterniu ŭ Minsku i pracujuć na rynak Rasii i Biełarusi, adrazu padajuć ceny ŭ dźviuch valutach.
Startavali jany ŭ 2021 hodzie, stvarajučy pieravažna dyzajny z ruskamoŭnymi i anhłamoŭnymi słovami, časta — z maciukami: naprykład, padvieski «b*ia», «pošioł na*uj», «po*uj», «po*uistka», «je*aš». Taksama brend sprabuje humaryć, prapanoŭvajučy nasić na sabie słovy «skuf», «kuniman», «piśka». Ci hulajecca ź imionami: «Katiastrofa», «AłkohOla», «ṔJulija».
A voś biełaruskamoŭny dyzajn staŭ aktyŭna pradavacca tut akurat paśla taho, jak z rynku prybrali kankurentaŭ.
Možacie paraŭnać upryhožańni na skrynšotach nižej (roźnica budzie vyklučna ŭ canie — padvieska All bling kaštuje 59 rubloŭ, bo zroblenaja sa stali, a ŭ Belaruskicry heta było srebra i pradavałasia amal za sto dalaraŭ).
Taksama na dniach u instahramie All bling źjaviŭsia dyzajn «Kachańnie» i padvieska ŭ vyhladzie litary «Ŭ» — toje, što ŭ svoj čas aktyŭna pradavali stvaralniki Belaruskicry pa ŭsim śviecie.
Pytańnie žurnalista «Našaj Nivy» pra toje, ci ŭzhadniali ŭładalniki All bling momanty z aŭtarskim pravam, było praihnaravanaje. U toj ža čas pradstaŭnik kamandy Belaruskicry paćvierdziŭ, što heta — pramy płahijat: «U nas usio skrali».
Raniej u Biełarusi (i za miažoj) užo byli sproby paŭtarać pośpiech Belaruskicry — tyja ž upryhožvańni z konturami karty Biełarusi rabili i inšyja juvieliry. Tady stvaralnica brenda Alaksandra Kurkova kamientavała ŚMI, što vystupaje suprać naŭprostavaha kapijavańnia, ale pryznavała, što karta Biełarusi naležyć usim:
«Prosta ŭ kožnaha pavinna być aŭtarskaja interpretacyja, nie płahijat».
Pry sprobie zamović padviesku «Kachańnie» ŭ telehramie All bling žurnalistu «Našaj Nivy» paviedamili, što «zaraz heta adzin z samych papularnych dyzajnaŭ».
-
Dyzajniery prapanujuć vychodzić zamuž u viasielnych šlopancach — takuju kalekcyju vypuścili ŭ Birkenstock
-
Palito za 790 rubloŭ ad biełaruskaha brenda chutka sapsavałasia. Klijentcy paraili zafarbavać paciortaści śpiecyjalnym markieram
-
«Bro, nie kuplaj sabie bulbiany miašok — idzi ŭ zału»: biełaruski viadučy TNT raskrytykavaŭ mužčynskija kaściumy oviersajz
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary